نیوزی لینڈ نے پہلے ٹی ٹوئنٹی میچ میں ویسٹ انڈیز کو سنسنی  خیز مقابلے کے بعد 5 وکٹوں سے شکست دے دی۔

آکلینڈ کے ایڈن پارک میں بارش سے متاثرہ ٹی ٹوئنٹی میچ میں نیوزی لینڈ نے ٹاس جیت کر ویسٹ انڈیز کو پہلے بیٹنگ کرنے کی دعوت دی۔

ویسٹ انڈیز نے مقررہ 16 اوورز میں کپتان کیرون پولارڈ کے جارحانہ ناقابل شکست 75 رنز کی بدولت 7 وکٹوں کے نقصان پر 180 رنز بنائے۔

آندرے فلیچر 34 اور فیبیان ایلن 30 رنز بناکر دیگر نمایاں بلے باز رہے۔

نیوزی لینڈ کی  جانب سے لوکی فرگیوسن نے 5 جبکہ ٹم ساؤتھی نے 2 وکٹیں حاصل کیں۔

💥 Lockie Ferguson: 5/21
💥 Jimmy Neesham: 48* off 24 balls
💥 Devon Conway: 41 off 29 balls
💥 Mitchell Santner: 31* with three sixes

All-round contributions give the @BLACKCAPS a 1-0 lead in the T20I series against West Indies.#NZvWI 1st T20I report 👇

— ICC (@ICC) November 27, 2020

جواب میں نیوزی لینڈ کی ٹیم نے ڈک ورتھ لوئس میتھڈ کے تحت 176 رنز کا مقررہ ہدف سنسنی خیز مقابلے کے بعد 5 وکٹوں کے نقصان پر4گیندوں قبل حاصل کرلیا۔

جمی نیشم ناقابل شکست 48 ، ڈیبیوٹینٹ کونوے 41 اور مچل سینٹنر 31 رنز بناکر نمایاں رہے۔

ویسٹ انڈیز کی جانب سے اوشین تھامس نے 2 جبکہ شیلڈن کوٹریل اور کیرون پولارڈ نے ایک ایک وکٹ حاصل کی۔

شاندار بالنگ کرنے پر نیوزی لینڈ کے لوکی  فرگیوسن کو میچ کا بہترین کھلاڑی قرار دیا گیا۔