پاکستان سپر لیگ (پی ایس ایل ) 2020 کے کوالیفائر میچ میں کراچی کنگز نے ملتان سلطانز کو سپر اوور میں شکست دے کر فائنل میں رسائی حاصل کرلی۔

تفصیلات کے مطابق نیشنل اسٹیڈیم کراچی میں کوالیفائر میچ میں کراچی کنگز نے ٹاس جیت کر  ملتان سلطانز پہلے  بیٹنگ کرنے  کی دعوت دی۔

ملتان سلطانز کی ٹیم روی بوپارہ کے 40  رنز کی بدولت مقررہ 20 اوورز میں  7 وکٹوں کےنقصان پر 141 رنز بناسکی۔

MATCH UPDATE: @KarachiKingsARY reached their first ever #HBLPSL final! #PhirSeTayyarHain #MSvKK pic.twitter.com/1Gg9mfr68l

— PakistanSuperLeague (@thePSLt20) November 14, 2020

روی بوپارہ کے علاوہ  سہیل تنویر 25 اور ذیشان اشرف 21 رنز بناکر نمایاں رہے۔خوشدل شاہ 17 اور شاہد آفریدی 12 رنز بناسکے۔

کراچی کنگز کی جانب سے وقاص مقصود اور ارشد اقبال نے 2،2 جبکہ کپتان عماد وسیم نے ایک وکٹ حاصل کی۔

ہدف کے تعاقب میں کراچی کنگز  کی ٹیم بابر اعظم کی نصف سنچری کی بدولت  مقررہ 20 اوورز میں 8 وکٹوں کے نقصان پر 141 رنز ہی بناسکی جس کے بعد میچ کا نتیجہ سپراوور کے ذریعے طے پایا۔

کراچی کنگز کی جانب سے  بابر اعظم 65  ، کپتان عماد وسیم27 اور ایلکس ہیلز 22 رنز بناکر نمایاں رہے۔

ملتان سلطانز کی جانب سے سہیل تنویر نے 3 جبکہ محمد الیاس ، شاہد آفریدی اور عمران طاہر ایک ایک وکٹ حاصل کی۔

کراچی کنگز کی ٹیم نے پہلی مرتبہ پی ایس ایل کے فائنل میں رسائی حاصل کی ہے۔

ملتان سلطانز کی ٹیم اب لاہور قلندرز اور پشاور زلمی کے درمیان ایلیمینیٹر 1 کی فاتح ٹیم سے  کل مد مقابل ہوگی۔