آئی سی سی ٹیسٹ رینکنگ میں قومی کپتان بابر اعظم ایک درجہ تنزلی کے بعد چھٹی سے ساتویں پوزیشن پرچلے گئے۔

انٹرنیشنل کرکٹ کونسل ( آئی سی سی ) کی جانب سے جاری کردہ نئی ٹیسٹ رینکنگ کے مطابق  بلے بازوں کی فہرست میں پہلی پانچ پوزیشنز میں کوئی تبدیلی واقع نہیں ہوئی۔

کین ولیمسن، اسٹیو اسمتھ، مارنس لبوشین، ویرات کوہلی اور جوئے روٹ  بدستور بالترتیب پہلی سے پانچویں پوزیشن پر براجمان ہیں۔

چتیشورپجارا ایک درجے ترقی سے چھٹی جبکہ بابر اعظم ایک درجے تنزلی سے ساتویں پوزیشن پر چلے گئے۔

اجنکیا رہانے اور ہینری نکلز ایک ایک درجے ترقی پاکر آٹھویں اور نویں پوزیشن پر آگئے جبکہ بین اسٹوکس دو درجے تنزلی سے دسویں پوزیشن پر چلے گئے۔

https://twitter.com/ICC/status/1355430540367814657

بولرز کی فہرست میں بھی پہلی سے پانچویں  پوزیشن میں کوئی تبدیلی نہیں ہوئی۔

پیٹ کمنز، اسٹورٹ براڈ، نیل ویگنر،جوش ہیزل ووڈ اور ٹم ساؤتھی بدستور بالترتیب پہلی سے پانچویں پوزیشن پر براجمان ہیں۔

جیمز اینڈرسن ایک درجہ ترقی پاکر چھٹی جبکہ کگیسو ربادا ایک درجے تنزلی سے ساتویں پوزیشن پر چلے گئے۔

روی چندرن ایشون ، جسپریت بمراہ اور جیسن ہولڈر بالترتیب آٹھویں سے دسویں پوزیشن پر موجود ہیں۔

https://twitter.com/ICC/status/1355427778703843329