سابق کرکٹرعاقب جاوید قومی ٹیم کی ناقص پرفارمنس پر ہیڈکوچ مصباح الحق اور بولنگ کوچ وقاریونس پر برس پڑے۔
لاہوراسپورٹس جرنلٹس ایسوسی ایشن سجال کی میٹ دی پریس میں قومی کرکٹ ٹیم کی کارکردگی پر اظہار خیال کرتے ہوئے عاقب جاوید نے کہا کہ وقار یونس اور مصباح کو بغیر کوچنگ تجربے کے ٹیم کے ساتھ لگانے والوں سے باز پرس ہونی چاہیے، بغیر کوچنگ تجربے کے تو مصباح ایسا کوچ ہے جسے میرے خیال میں کوئی شاید اسکول میں بھی جاب نہ دے۔
انہوں نے کہا کہ پروفیشنل کوچز کو ٹیم کے ساتھ ہونا چاہیے، پھر ہی معاملات بہتر ہوتے ہیں، ہاکی کی طرح موجودہ صورتحال میں کرکٹ بھی ختم ہورہی ہے۔
عاقب جاوید نے مزید کہا کہ ان حالات میں ٹیم کی کوچنگ کی خواہش نہیں، میرے نزدیک تو پی سی بی کے موجودہ سسٹم میں سوائے بے عزتی کے سوا کچھ نہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News