قومی کرکٹ ٹیم کے کپتان بابر اعظم نے اپنے خلاف مقدمہ درج کرنے کا فیصلہ لاہور ہائیکورٹ میں چیلنج کر دیا۔

تفصیلات کے مطابق  بابر اعظم نے اپنے خلاف مقدمہ درج کرنے کا سیشن کورٹ کا فیصلہ لاہور ہائیکورٹ میں چیلنج کر دیا ہے۔

 بابر اعظم کی درخواست میں ایف آئی اے اور حامیزہ مختار کو فریق بنایا  گیاہے۔

درخواست میں موقف اپنایا گیا ہے کہ  بابر اعظم قومی کرکٹ ٹیم کے کپتان اور بہترین پلیئر ہیں۔وہ کئی بین الاقوامی ریکارڈز اپنے نام کرچکے ہیں۔ سیشن عدالت نے سائبر کرائم ایکٹ کے تحت مقدمہ درج کرنے کا حکم دیا ہے،  درخواستگزار کے خلاف اندراج مقدمہ کا حکم سائبر کرائم رولز 2018 کے منافی ہے۔

مزید پڑھیں

عدالت کا بابر اعظم کے خلاف ہراسانی کا مقدمہ درج کرنے کا حکم

لاہور کی سیشن عدالت نے بابر اعظم کے خلاف  ہراسانی کا مقدمہ...

درخواست میں کہا گیا ہے کہ مقدمہ درج کرنے کے حکم میں وجوہات  بھی بیان نہیں کی گئیں۔سپریم کورٹ کے فیصلوں کی روشنی میں جسٹس آف پیس مقدمہ درج کرنے کا حکم دینے کے پابند نہیں ہیں۔ سیشن عدالت نے اعلیٰ عدالتوں کے فیصلوں کے خلاف مقدمہ درج کرنے کا حکم دیا ہے۔

درخواست میں موقف اپنایا گیا کہ  درخواستگزار معصوم ہے اور ہائیکورٹ سے انصاف مانگ رہا ہے۔

درخواست میں عدالت سے استدعا کی گئی ہے کہ  ٹرائل کورٹ کے مقدمہ درج کرنے کا فیصلہ کالعدم قرار دے کر  درخواست کے حتمی فیصلے تک مقدمہ درج کرنے کے فیصلے کو معطل کیا جائے۔