قومی کرکٹ ٹیم کی دورہ انگلینڈ اور ویسٹ انڈیز روانگی کی تفصیلات جاری کردی گئی ہیں۔

جاری کردہ تفصیلات کے مطابق پاکستان میں موجود قومی اسکواڈ کے تمام ارکان 20 جون کو لاہور میں بائیو سیکیور ببل جوائن کریں گے اور ان کی پہلی کوویڈ 19 ٹیسٹنگ 16 جون کو ان کے گھروں میں کی جائے گی۔

https://twitter.com/TheRealPCBMedia/status/1404315448657784833

ہوٹل پہنچنے پر ان تمام ارکان کی دوسری کوویڈ 19 ٹیسٹنگ کی جائے گی جبکہ ان ارکان کی تیسری کوویڈ 19 ٹیسٹنگ 23 جون کو لاہور کے مقامی ہوٹل میں کی جائے گی۔

تمام ارکان 25 جون تک لاہور کے مقامی ہوٹل میں روم آئسولیشن میں رہیں گے جس کے بعد قومی اسکواڈ 25 جون کو لاہور سے براستہ یو اے ای انگلینڈ روانہ ہوگا۔

قومی اسکواڈ لاہور سے براستہ یو اے ای چارٹرڈ طیارے پر انگلینڈ پہنچے گا جہاں پی ایس ایل 6 میں شرکت کرنے والے اسکواڈ ارکان یو اے ای سے اسکواڈ کو جوائن کریں گے۔

قومی کرکٹ ٹیم انگلینڈ میں تین دن روم آئسولیشن میں رہے گی اور اگلے سات روز قومی کرکٹرز ڈربی کی آئسولیشن میں ٹریننگ کریں گے۔

پاکستان اور انگلینڈ کے مابین ون ڈے انٹرنیشنل سیریز کا آغاز 8 جولائی سے ہوگا، سیریز کے بعد قومی ون ڈے اسکواڈ میں شامل کھلاڑی 15 جولائی کو وطن واپس لوٹیں گے۔

سیریز کے بعد قومی ون ڈے اسکواڈ میں شامل کھلاڑی 15 جولائی کو وطن واپس لوٹیں گے جبکہ قومی ٹیسٹ اسکواڈ میں شامل کھلاڑی 26 جولائی کو ویسٹ انڈیز پہنچیں گے۔

ویسٹ انڈیز کے خلاف ٹی ٹوٹی سیریز کے بعد قومی ٹی ٹونٹی کرکٹرز وطن واپس لوٹ جائیں گے جبکہ قومی ٹیسٹ اسکواڈ ویسٹ انڈیز کا دورہ مکمل کرنے کے بعد 25 اگست کو وطن واپس آئے گا۔