پی ایس ایل 7 سے قبل زلمی کے پشاور میں تین روزہ ٹرائلز اختتام پذیر

زبیر منصوری

30th Nov, 2021. 09:43 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ایس ایل 7 سے قبل زلمی کے پشاور میں تین روزہ ٹرائلز اختتام پذیر

پاکستان سپر لیگ سیزن سیون سے قبل پشاور زلمی کی پشاور میں سرگرمیاں جاری ہیں۔ اس سلسلے میں پشاور زلمی کی جانب سے صوابی اور جمرود کے بعد پشاور میں نئے ٹیلنٹ کی تلاش کے لیے ٹرائلز کا انعقاد کیا گیا۔

اسلامیہ کالج پشاور میں ہونے والے ٹرائلز میں پشاور زلمی کے ڈائریکٹر کرکٹ اور کوچ محمد اکرم نے ٹرائلز لیے اور ساتھ ہی نوجوان کرکٹرز کو کوچنگ ٹپس بھی دیں اور ان کی حوصلہ افزائی کی صوابی ،جمرود اور پشاور میں ہونیوالے تین روزہ ٹرائلز میں دو سو سے زائد نوجوان کرکٹرز شریک ہوئے۔

پشاور زلمی کے ڈائریکٹر کرکٹ محمد اکرم نے کہا کہ پشاور زلمی گراس روٹ لیول پر نوجوان کرکٹرز کو صلاحیتوں کے اظہار کا موقع دینے پر یقین رکھتا ہے ۔ پی ایس ایل سیون سے پشاور زلمی نے ایمرجنگ کٹیگری اور مستقبل کے پیش نظر نوجوان کرکٹرز کے ٹرائلز لیے ہیں۔ ان نوجوان کرکٹرز کے ٹرائلز کے بعد ڈیٹا بیس بنالیا ہے جو مستقبل میں کام آئے گا۔

پی ایس ایل 2022 کی ڈرافٹنگ کے لیے 8 دسمبر کی تاریخ کو فائنل کیا گیا تھا تھا تاہم اب اسے ایک ہفتے کے لیے ملتوی کردیا گیا ہے۔ 8 دسمبر کو ہونے والی ڈرافٹنگ کی نئی تاریخ اب 15 دسمبر تجویز کی گئی ہے۔