پاکستان ویمن کرکٹ ٹیم کی سابق نائب کپتان مرینا اقبال کو ملک کی پہلی خاتون کرکٹ کمینٹیٹر ہونے کا اعزاز حاصل ہے، اور اب انہوں نے اپنی ایک نئی کامیابی سے قوم کا سر فخر سے بلند کردیا ہے۔

مرینا نے ٹوئٹر پر جاری اپنے پیغام میں لکھا کہ انہیں آئی سی سی ویمنز ورلڈکپ کوالیفائر کے لیے منتخب کرلیا گیا ہے۔

یہ ان کا آئی سی سی میں بطور کمینٹیٹر کام کرنے کا پہلا تجربہ ہوگا۔ انہوں نے ٹویٹ میں رہنمائی کرنے والے تمام افراد کا شکریہ ادا کیا۔

Got selected for the ICC women’s Worldcup Qualifiers, Alhumduillah. My first ICC event as a commentator.

Advertisement

Thankyou each and everyone who has guided and backed me🙏@TheRealPCB@ICC#PCB #ICC #WWCqualifiers2021 #Zimbabwe #womencricket pic.twitter.com/JCxoTZ46Uu

— Marina Iqbal (@MarinaMI_24) November 16, 2021

مرینہ اقبال نے اگست 2021 میں نیشنل ویمنز سلیکٹر کا عہدہ چھوڑ دیا تھا۔

مرینہ کا کہنا تھا کہ قومی خواتین کرکٹ کی سلیکشن کمیٹی کا حصہ بننا میرے لیے اعزاز کی بات تھی، مجھے یہاں بہت کچھ سیکھنے کا موقع ملا۔

مرینہ اقبال کا مزید کہنا تھا کہ آئی سی سی فیوچر لیڈرز کا حصہ بننے کے بعد کرکٹ کمنٹری کو زیادہ وقت دینا چاہتی ہوں۔

مرینا اقبال 2009 سے 2017 تک قومی ویمن ٹیم کی نمائندگی کرچکی ہیں۔ انہوں نے اپنا آخری میچ نیوزی لینڈ کے خلاف کھیلا تھا۔

مرینا نے چین میں سنہ 2010 کے دوران منعقد ہونے والے ایشین گیمز میں بھی حصہ لیا جہاں انہوں نے پاکستان کے لیے طلائی تمغہ جیتا تھا۔

انٹرنیشنل کرکٹ سے ریٹائرمنٹ کے بعد بھی مرینا کسی نہ کسی صورت کرکٹ سے وابستہ رہیں، وہ کمنٹری تو کر ہی رہیں تھیں اور حال ہی میں انہوں نے اپنا یوٹیوب چینل “ریویو ود مرینا اقبال” لانچ کیا تھا۔