شاہین شاہ آفریدی نے کیا ایک اور اعزاز اپنے نام اور دور حاضر کے تمام بولرز کو پیچھے چھوڑ دیا ہے۔

قومی کرکٹ ٹیم کے فاسٹ بولر شاہین شاہ آفریدی رواں سال ٹیسٹ کرکٹ میں سب سے زیادہ وکٹیں لینے والے بولر بن گئے ہیں جبکہ انہوں نے گزشتہ روز تک 42 وکٹیں اپنے نام کی ہیں۔

رپورٹ کے مطابق دوسرے نمبر پر رہنے والے بھارت کے اسپن بولر اشون ہیں جنہوں نے 41 وکٹیں حاصل کی ہیں جبکہ تیسرے نمبر پر قومی ٹیم کے ہی فاسٹ بولر حسن علی ہیں جنہوں نے 38 وکٹیں حاصل کی ہیں۔

واضح رہے کہ پاکستان اور بنگلا دیش کے درمیان دو ٹیسٹ میچز پر مشتمل سیریز جاری ہے جس کا پہلا میچ چٹاگانگ کے ظہور احمد چوہدی اسٹیڈٰم میں جاری ہے۔

چوتھے دن کے کھیل میں اب تک بنگلادیش کی پوزیشن مستحکم ہے اور انہوں نے 6 وکٹوں کے نقصان پر 129 رنز اسکور کرلیے جبکہ انہیں 173 رنز کی برتری حاصل ہے۔

بنگلادیش کی جانب سے لٹن داس 41 رنز کے ساتھ اور نورالحسن 9 رنز کے ساتھ کریز پو موجود ہیں جبکہ یاسر علی 36 رنز بناکر ریٹائرڈ ہرٹ ہوگئے ہیں۔

یاد رہے کہ بنگلادیش کی دوسری اننگ جاری ہے اور اس اننگ میں بھی شاہین شاہ آفریدی 3 کھلاڑیوں کو آوٹ کیا ہے جبکہ حسن علی نے 2 اور ساجد خان ایک وکٹ لینے میں کامیاب رہے ہیں۔

خیال رہے کہ پاکستان اور بنگلادیش کے درمیان سیریز کا دوسرا اور آخری ٹیسٹ میچ 4 دسمبر کو ڈھاکہ کے شیر بنگلہ کرکٹ اسٹیڈٰیم میں کھیلا جائے گا۔