چٹاگنگ: پاکستان ٹیسٹ ٹیم میں ڈیبیو کرنے والے عبداللہ شفیق کا کہنا ہے کہ آج ان کا خواب پورا ہوگیا ہے۔

چٹاگانگ کے ظہور احمد چوہدری اسٹیڈیم میں پاکستان اور بنگلادیش کی ٹیموں کے درمیان پہلا ٹیسٹ میچ آج سے کھیلا جارہا ہے جس میں بلے باز عبداللہ شفیق ڈیبیو کررہے ہیں۔

اس میچ میں ڈیبیو کرنے والے عدباللہ شفیق کا کہنا ہے کہ ٹیسٹ کرکٹ میں اپنی ملک کی نمائندگی کرنا ہر کرکٹر کی خواہش ہوتی ہے اور آج کے دن میرا خواب پورا ہوا ہے۔

عبداللہ شفیق کا مزید کہنا تھا کہ اپنے سینئر کھلاڑیوں سے بہت کچھ سیکھا ہے اور ٹیسٹ کرکٹ میں رکی پونٹگ میرے پسندیدہ کھلاڑی ہیں۔

واضح رہے کہ عبداللہ شفیق اس سے قبل ٹی ٹوئنٹی انٹرنیشنل میں بھی زمبابوے کے خلاف ڈیبیو کرچکے ہیں جبکہ عداللہ شفیق اپنے ڈیبیو میچ میں 41 رنز اسکور کرکے ناٹ آوٹ رہے تھے۔

بائیس سالہ عبداللہ شفیق کا تعلق پنجاب کے شہر سیالکوٹ سے ہے اور وہ ٹاپ آرڈر کے بلے باز ہیں اور پاکستان انڈر 19 ٹیم میں بھی کھیل چکے ہیں جبکہ عدباللہ شفیق ڈومسٹک کرکٹ بھی کھیلتے رہے ہیں جس میں انہوں نے ملتان سلطانز اور سیالکوٹ انڈر 19 کی نمائندگی کی ہے۔

دوسری جانب پاکستان اور بنگلادیش کے درمیان پہلا ٹیسٹ میچ جاری ہے جس میں بنگلادیش نے ٹاس جیت کر پہلے بیٹنگ کا فیصلہ کیا اور 4 وکٹوں کے نقصان پر 49 رنز اسکور کردیے ہیں جبکہ بنگلادیش کے شادمان اسلام 28 گیندوں پر 14 رنز بناکر آوٹ ہوئے جبکہ آوٹ ہونے والے دوسرے کھلاڑی سیف حسن ہیں جو 12 گیندوں پر صرف 14 رنز اسکور کرسکے۔

نجم الحسین شنٹو بھی زیادہ دیر نہ چل سکے اور 14 رنز بناکر وہ بھی آوٹ ہوگئے ہیں جبکہ مومن الحق 6 رنز بناکر پویلین لوٹ گئے ہیں۔

پاکستان کی جانب سے شاہین شاہ آفریدی اور حسن علی، فہیم اشرف اور ساجد خان نے 1،1 وکٹ حاصل کی ہے۔