دورہ بنگلا دیش کے لیے قومی اسکواڈٖ کا اعلان، امام الحق کی واپسی

محمد کاشان

15th Nov, 2021. 08:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دورہ بنگلا دیش کے لیے قومی اسکواڈٖ کا اعلان، امام الحق کی واپسی

لاہور: دورہ بنگلہ دیش کے لیے قومی ٹیسٹ اسکواڈ کا اعلان کردیا گیا ہے۔

تفصیلات کے مطابق دورہ بنگلہ دیش کے لیے قومی ٹیسٹ اسکواڈ کا اعلان کردیا گیا جس میں امام الحق، بلال آصف اور کامران غلام کی قومی ٹیسٹ اسکواڈ میں واپسی ہوئی ہے جبکہ عمران بٹ، شاہنواز دھانی، حارث رؤف اور یاسر شاہ کو اسکواڈ میں شامل نہیں کیا گیا ہے۔

بیس رکنی اسکواڈ کی قیادت بابر اعظم اور نائب کپتان محمد رضوان کریں گے جبکہ عبداللہ شفیق، عابد علی، اظہر علی، بلال آصف اور فہیم اشرف کو بھی اسکواڈ میں شامل کیا گیا ہے۔

علاوہ ازیں فواد عالم، حسن علی، امام الحق، کامران غلام، محمد عباس اور محمد نواز کو بھی اسکواڈ کا حصہ بنایا گیا ہے اور نسیم شاہ، نعمان علی، ساجد خان، سرفراز احمد اور سعود شکیل کو اسکواڈ میں برقرار رکھا گیا ہے جبکہ شاہین شاہ آفریدی اور زاہد محمود کو بھی اسکواڈ کا حصہ بنایا گیا ہے۔

واضح رہے کہ دورہ بنگلا دیش کے دورے کے دوران پاکستان ٹیم تین ٹی ٹوئنٹی اور 2 ٹیسٹ میچز کھیلے گی جبکہ پہلا ٹیسٹ میچ 26 نومبر سے 30 نومبر اور دوسرا 4 دسمبر سے 8 دسمبر کے دوران کھیلا جائے گا۔

علاوہ ازیں اس دورے میں 3 ٹی ٹوئنٹی میچز بھی کھیلے جائیں گے جس کا پہلا میچ 19 نومبر، دوسرا 20 نومبر اور تیسرا 22 نومبر کو کھیلا جائے گا۔