ایشین چیمپئنز ٹرافی ہاکی کے ساتویں میچ میں پاکستان اور کوریا کی ٹیمیں مدمقابل آئیں جن کے درمیان مقابلہ 3-3 گول سے برابر رہا۔

بنگلادیشی دارالحکومت ڈھاکہ میں کھیلے گئے  سنسنی خیز میچ میں پاکستان کی جانب سے بہترین کھیل کا مظاہرہ کیا گیا۔

قومی ٹیم کی جانب سے رانا وحید نے 2  اور افراز نے ایک گول اسکور کیا۔

Match 07 Pakistan vs Korea is a draw#HeroACT2021 pic.twitter.com/OeB0P9D9WW

Advertisement

— Asian Hockey Federation (@asia_hockey) December 18, 2021

کوریا نے ابتداء میں میچ میں برتری حاصل کی جسے پاکستان کے کھلاڑی افراز نے فیلڈ گول کے ذریعے  ختم کیا۔ اس کے بعد رانا وحید نے پاکستان کی جانب سے دوسرا اور تیسرا گول اسکور کرکے 1-3 کی برتری حاصل کرلی۔

تاہم کوریا نے میچ کے اختتام سے قبل دو گول اسکور کرکے مقابلہ 3-3 گول سے برابر کردیا۔

پاکستان کے کھلاڑی افراز مین آف دی میچ قرار پائے۔

Advertisement

Match 07: Pakistan vs Korea

#21 Afraz from Pakistan wins Man of the Match#HeroACT2021 pic.twitter.com/nWeQZJT3Rb

— Asian Hockey Federation (@asia_hockey) December 18, 2021

پاکستان ایونٹ میں اپنا چوتھا میچ کل 19 دسمبر کو میزبان بنگلا دیش کے خلاف کھیلے گا۔

واضح رہے کہ گزشتہ روز پاکستان کو بھارت کے ہاتھوں 1-3 سے شکست کا سامنا کرنا پڑا تھا۔