ایشز سیریز کے چوتھے ٹیسٹ کے لیے نامزد ریفری ڈیوڈ بون کورونا وائرس میں مبتلا ہوگئے ہیں۔
سماجی رابطے کی مائیکرو بلاگنگ ویب سائٹ ٹوئٹر پر ٹوئٹ کرتے ہوئے انٹرنیشنل کرکٹ کونسل (آئی سی سی) کا کہنا تھا کہ ایشز سیریز کے چوتھے ٹیسٹ میچ کے ریفری پینل میں شامل ڈیوڈ بون کورونا وائرس میں مبتلا ہوگئے ہیں۔
ICC match referee David Boon has tested positive for Covid-19.
Steve Bernard will replace him in the fourth #Ashes Test, starting 5 January at the SCG. pic.twitter.com/zh8ZALaUBV
Advertisement— ICC (@ICC) December 30, 2021
یہ بھی پڑھیں: آسٹریلیا نے ایشز سیریز اپنے نام کرلی
آئی سی سی کا اپنی ٹوئٹ میں کہنا تھا کہ ڈیوڈ بون کے کورونا وائرس میں مبتلا ہونے کے بعد ان کی جگہ میچ ریفری کے فرائض اسٹیو برنرڈ انجام دیں گے۔
میڈیا رپورٹس کے مطابق اس حوالے سے آسٹریلیا کرکٹ کا کہنا تھا کہ ڈیوڈ بون کا پی سی آر ٹیسٹ مثبت آیا ہے جبکہ اسٹیو برنرڈ نیو ساؤتھ ویلز میں مقیم ہیں۔
واضح رہے کہ اسٹریلیا اور انگلینڈ کے درمیان جاری ایشز سیریز کا چوتھا ٹیسٹ میچ 5 جنوری سے شروع ہوگا جبکہ ایشز سیریز کے تیسرے ٹیسٹ میچ کے دوران انگلینڈ ٹیم اسکواڈ میں شامل 4 کھلاڑی کورونا وائرس میں مبتلا ہوگئے تھے۔
خیال رہے کہ آسٹریلیا اور انگلینڈ کے درمیان پانچ ٹیسٹ میچز پر مشتمل ایشز سیریز کھیلی جارہی ہے جس کے کھیلے گئے تینوں میچز میں آسٹریلیا نے کامیابی حاصل کی ہے جبکہ آسٹرلیا نے تینوں میچز جیت کر سیریز میں واضح 3 صفر کی برتری بھی حاصل کرلی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News