انگلینڈ کے فاسٹ بالر جیمز اینڈرسن کی ٹیسٹ رینکنگ میں ٹاپ 5 میں واپسی ہوگئی ہے۔

انٹرنیشنل کرکٹ کونسل (آئی سی سی ) کی جانب سے ٹیسٹ کی نئی رینکنگ جاری کردی گئی ہے ۔

بالنگ کے شعبے میں پہلی چار پوزیشنز پر کوئی تبدیلی نہیں ہوئی  ہے۔آسٹریلوی کپتان پیٹ کمنز، بھارتی اسپنر روی چندرن ایشون، پاکستانی فاسٹ بالر شاہین شاہ آفریدی اور کیوی فاسٹ بالر ٹم ساؤتھی بالترتیب پہلی سے چوتھی پوزیشن پر موجود ہیں۔

انگلینڈ کے جیمز اینڈرسن میلبر ٹیسٹ میں شاندار بالنگ کرکے 3 درجے ترقی پاکر پانچویں پوزیشن پر آگئے ہیں۔

آسٹریلیا کے جوش ہیزل ووڈ، جنوبی افریقا کے کگیسو ربادا اور نیوزی لینڈ کے نیل ویگنر ایک ایک درجے تنزلی کے بعد بالترتیب چھٹی سے آٹھویں پوزیشن پر چلے گئے ہیں۔

🔹 James Anderson breaks into top 5 👊
🔹 Mitchell Starc rises 🔥 #Ashes stars make gains in the latest @MRFWorldwide ICC Men’s Test Player Rankings 📈

Details 👉 https://t.co/BRZCOy32hI pic.twitter.com/VTr86Y3riE

— ICC (@ICC) December 29, 2021

آسٹریلیا کے مچل اسٹارک نویں اور نیوزی لینڈ کے کائل جیمی سن دسویں پوزیشن پر موجود ہیں۔

بیٹنگ کے شعبے میں پہلی اور دوسری پوزیشن پر بدستور بالترتیب آسٹریلیا کے مارنس لبوشین اور انگلش کپتان جو روٹ موجود ہیں۔

آسٹریلیا کے اسٹیو اسمتھ ایک درجے تنزلی سے چوتھی  پوزیشن پر چلے گئے ہیں اور ان کی جگہ کیوی کپتان کین ولیمسن تیسری پوزیشن پر آگئے ہیں۔

پانچویں سے دسویں پوزیشن میں کوئی تبدیلی نہیں ہوئی ہے۔

بھارت کے روہت شرما پانچویں، آسٹریلیا کے ڈیوڈ وارنر چھٹی، بھارت کے ویرات کوہلی ساتویں ، سری لنکا کے دیموتھ کرونا رتنے آٹھویں،قومی کپتان بابر اعظم  نویں اور آسٹریلیا کے ٹریوس ہیڈ دسویں پوزیشن پر موجود ہیں۔

آل راؤنڈرز کی رینکنگ میں آسٹریلیا کے مچل اسٹارک نے انگلینڈ کے بین اسٹوکس سے ان کی پانچویں پوزیشن چھین کر انہیں چھٹی پوزیشن پر دھکیل دیا ہے۔