آئی سی سی نے ٹیسٹ اور ٹی ٹوئنٹی پلیئرز کی رینکنگ جاری کردی ہے جس میں بابر اعظم دوبارہ ٹی ٹوئنٹی کے نمبر ون بیٹر بن گئے ہیں۔

آئی سی سی ٹی ٹونٹی پلیئرز رینکنگ میں کپتان بابر اعظم کی ایک درجہ ترقی ہوئی جس کے بعد وہ دوبارہ ٹی ٹوئنٹی کے نمبر ون بیٹر بن گئے ہیں اور ڈیوڈ ملان دوسرے نمبر پر چلے گئے ہیں۔

Look who is back to the top of the @MRFWorldwide ICC Men’s T20I Rankings for batters 👀@babarazam258 👏 pic.twitter.com/eTelo79zxy

— ICC (@ICC) December 22, 2021

قومی ٹیم کے وکٹ کیپر بیٹر محمد رضوان کی بھی رینکنگ میں بہتری ہوئی اور وہ چوتھے سے تیسرے نمبر پرآ گئے ہیں جبکہ ٹی ٹونٹی میں فخر زمان 37 سے 39 ویں نمبر پر چلے گئے ہیں۔

🔹 Babar Azam surges to the 🔝
🔹 Mohammad Rizwan into the top three 🔥

Significant gains for Pakistan batters in the latest @MRFWorldwide ICC Men’s T20I Player Rankings 👉 https://t.co/hBFKXGWUp4 pic.twitter.com/qqUfYsFGkA

— ICC (@ICC) December 22, 2021

ٹی ٹونٹی بولرز رینکنگ میں سری لنکا کے وانندو ہسارنگا کا پہلا نمبر اور پاکستان کے شاداب خان کا نواں نمبر برقرار ہے جبکہ شاہین شاہ آفریدی 12 ویں نمبر پر چلے گئے ہیں اور حارث رؤف کا رینکنگ میں 22 واں نمبر ہوگیا ہے۔

دوسری جانب آئی سی سی نے ٹیسٹ رینکنگ بھی جاری کی ہے جس میں آسٹریلیا کے مارنوس لابوشین پہلے نمبر پر آگئے ہیں جبکہ انہون نے انگلینڈ کے کپتان جو روٹ کو پیچھے چھوڑ دیا ہے جس کے بعد جو روٹ رینکنگ میں دوسرے نمبر پر چلے گئے ہیں۔

Marvellous, Marnus! 👑

Australia star Marnus Labuschagne is the new No.1 batter on the @MRFWorldwide ICC Men’s Test Player Rankings ✨

— ICC (@ICC) December 22, 2021

پاکستانی کپتان بابر اعظم کی ٹیسٹ رینکنگ میں نویں پوزیشن برقرار ہے، محمد رضوان کا 18 واں نمبر اور فواد عالم کا 20 واں نمبر برقرار ہے جبکہ ٹیسٹ بولرز رینکنگ میں آسٹریلیا کے پیٹ کمنز پہلے نمبر پر موجود ہیں۔

🔝 Labuschagne dethrones Root
💪 Starc makes significant gains

Australia stars shine in the latest @MRFWorldwide ICC Men’s Test Player Rankings.

Advertisement

👉 https://t.co/DNEarZ8zhm pic.twitter.com/W3Aoiy3ARP

— ICC (@ICC) December 22, 2021

پاکستان کے شاہین شاہ آفریدی کی تیسری پوزیشن برقرار ہے اور حسن علی 10 سے 11 نمبر پر چلے گئے ہیں جبکہ آل راؤنڈرز کی ٹیسٹ رینکنگ میں ویسٹ انڈیز کے جیسن ہولڈر کا پہلا نمبر ہے۔