عابد علی کے دل کی شریان میں دوسرا اسٹنٹ بھی ڈال دیا گیا

ویب ڈیسک

23rd Dec, 2021. 11:22 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عابد علی کے دل کی شریان میں دوسرا اسٹنٹ بھی ڈال دیا گیا

لاہور: قومی کرکٹ ٹیم کے اسٹار بیٹر عابد علی کی دل کی شریان میں دوسرا اسٹنٹ ڈالا دیا گیا ہے۔

سماجی رابطے کی مائیکرو بلاگنگ ویب سائٹ ٹوئٹر پر ٹوئٹ کرتے ہوئے پاکستان کرکٹ بورڈ (پی سی بی) کا کہنا تھا کہ عابد علی کی دل کی شریان میں دوسرا اسٹنٹ ڈال دیا گیا ہے جس کے بعد وہ مسلسل بہتر ہورہے ہیں۔

یہ بھی پڑھیں: عابد علی دل میں تکلیف کے باعث اسپتال منتقل

پی سی بی کا اپنی ٹوئٹ میں کہنا تھا کہ عابد علی کی جلد صحتیابی کے لیے عالمی کارڈیولوجسٹ سے رابطہ کرلیا گیا ہے جبکہ پی سی بی نے عابد علی اور ان کے خاندان کی رازداری کی درخواست کی اور ساتھ ہی ان کی جلد صحتیابی کے لیے نیک خواہشات کا بھی اظہار کیا ہے۔

اسپتال ذرائع کے مطابق ڈاکٹرز نے انہیں دو ماہ کے لیے مکمل آرام کی ہدایت کی ہے جبکہ دو ماہ بعد عابد علی معمول کی کرکٹ کھیل سکے گیں۔

یہ بھی پڑھیں: دل کے عارضے میں مبتلا ہونے کے بعد عابد علی کا بیان سامنے آگیا

دوسری جانب دل کے عارضے میں مبئلا ہونے کے بعد عابد علی کا ویڈیو بیان سامنے آیا تھا جس میں انہوں نے اللہ کا شکریہ ادا کیا اور ساتھ ہی ان کے لیے خصوصی دعائیں کرنے اور نیک خواہشات کا اظہار کرنے پر اپنے چاہنے والوں کا بھی شکریہ ادا کیا۔

واضح ہے کہ عابد علی کو کراچی میں جاری قائد اعظم ٹرافی کے میچ کے دوران بیٹنگ کرتے ہوئے سینے میں تکلیف کے باعث مقامی اسپتال منتقل کیا گیا تھا۔

یہ بھی پڑھیں: عابد علی کے دل میں دوسرا اسٹنٹ آج ڈالا جائے گا

عابد علی کو اسپتال منتقل کرنے کے بعد ان کے مختلف ٹیسٹ کیے گئے تھے جس کے بعد ان کی دل کی شریانوں میں دو اسٹنٹ ڈال دیے گئے ہیں۔