آسٹریلیا کے مایہ ناز بیٹر عثمان خواجہ نے کہا ہے کہ پاکستان کرکٹ سے پیار کرنے والی قوم ہے۔

میڈیا رپورٹ کے مطابق آسٹریلیا کے کرکٹر عثمان خواجہ کا کہنا تھا کہ پرامید ہوں نہ صرف اپنے لیے بلکہ پاکستان کرکٹ اور ان تمام نوجوان لڑکے اور لڑکیوں کے لیے جو مستقبل میں پروفیشنل کرکٹر بننا  چاہتے ہیں۔

انکا کہنا تھا کہ مجھے برصغیر میں سپورٹ ملتی ہے ، بنگلا دیش ، بھارت  اور خاص طور پر پاکستان میں جہاں میں پیدا ہوا ہوں۔

عثمان نے بتایا کہ جون جولائی میں پی ایس ایل کھیلی اس میں میرے لیے سپورٹ بہت ہی شاندار تھی ، میں وہاں دوبارہ جا کر کھیلنا چاہتا ہوں ، اور یہ بہت دور بھی نہیں ہے۔

 انکا کہنا تھا کہ میرے خیال سے یہ بڑا موقع ہو گا آسٹریلین کرکٹ کےلیے گیم کو کچھ واپس دینے کا۔

 عثمان خواجہ نے مزید کہا کہ میں نے اپنے ساتھیوں سے بات کی ہے کہ یہ جنریشن آپ سے بہت متاثر ہے ، جس نے کبھی ڈیوڈ وارنر کو ، مارش کو ، اسٹیو اسمتھ کو اپنی آنکھوں کے سامنے میدان میں کھیلتے نہیں صرف ٹی وی پر ہی دیکھا ہے۔

آسٹریلیا کے مایہ ناز بیٹر عثمان خواجہ نے کہا ہے کہ حقیقت میں آپ کرکٹ کی نئی جنریشن کےلیے متاثر کن ہیں ، لیکن ہم وہاں جا کر کھیل کی بحالی کھیل کے فروغ اور بہترین کےلیے اپنا کردار ادا کر سکتے ہیں۔

 میرے خیال میں اس گیم کو دینے کےلیے ہمارے پاس دورہ پاکستان ایک اچھا موقع ہے، جو طویل عرصے کرکٹ سے محروم رہا ہے۔انکا کہنا تھا کہ