پاکستان کے ابھرتے ہوئے نوجوان فاسٹ بالر محمد حسنین نے رضوان کی گزشتہ ایک سال سے جاری شاندار پرفارمنس کو بریک لگادی۔
پاکستان سپر لیگ کے ساتویں میچ میں کوئٹہ گلیڈی ایٹرز کے محمد حسنین نے آئی سی سی ٹی ٹوئنٹی پلیئر آف دی ایئر 2021 کا اعزاز اپنے نام کرنے والے محمد رضوان کو صفر پر آؤٹ کردیا۔
محمد رضوان نے گزشتہ برس 29 ٹی ٹوئنٹی انٹرنیشنل میچز کی 26 اننگز میں ایک سنچری اور 12 نصف سنچریز کی مدد سے 1326 رنز بنائے تھے۔
🦆 for @iMRizwanPak #HBLPSL7 l #LevelHai l #QGvMS pic.twitter.com/5LPGuaW0r5
— PakistanSuperLeague (@thePSLt20) January 31, 2022
رواں برس کے ابتدائی دو ٹی ٹوئنٹی میچز میں بھی انہوں نے کراچی کنگز اور لاہور قلندرز کے خلاف نصف سنچریز اسکور کی تھیں تاہم آج وہ بغیر کھاتہ کھولے ہی پویلین واپس لوٹ گئے۔
گزشتہ 37 اننگز میں یہ پہلا موقع ہے جب محمد رضوان صفر پر آؤٹ ہوئے ہیں۔
واضح رہے کہ محمد حسنین گزشتہ دنوں آسٹریلیا کی بگ بیش لیگ میں شاندار کارکردگی کا مظاہرہ کرکے آئے ہیں ۔
انہوں نے بگ بیش لیگ کے اپنے ڈیبیو میچ میں پہلا اوور ہی تین وکٹ میڈن کیا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
