بابرکا اسمتھ، روٹ یا کوہلی سے موازنہ ابھی قبل از وقت ہے، محمد شامی

ویب ڈیسک

31st Jan, 2022. 08:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بابرکا اسمتھ، روٹ یا کوہلی سے موازنہ ابھی قبل از وقت ہے، محمد شامی

بھارتی فاسٹ بالر محمد شامی نے بابر اعظم کے اسمتھ، روٹ یا کوہلی سے موازنے کو ابھی قبل از وقت قرار دیا ہے۔

ایک بھارتی اخبار کو انٹرویو دیتے ہوئے محمد شامی نے کہا کہ اس حقیقت میں کوئی شک نہیں کہ بابر اعظم پاکستان کے ایک بہترین کھلاڑی ہیں لیکن ان کا کوہلی، روٹ یا اسمتھ جیسے کھلاڑیوں سے موازنہ کرنا قدرے ناانصافی اور بہت جلد بازی ہے۔

انہوں نے کہا کہ پاکستان کافی عرصے سے بہت اچھی کرکٹ کھیل رہا ہے اور تین چار نئے اچھے کھلاڑیوں کے آنے سے پاکستان ٹیم مزید بہتر ہوگئی ہے۔

محمد شامی کا کہنا تھا کہ اس میں کوئی شک نہیں کہ بابر اعظم ایک بہترین کھلاڑی ہیں لیکن میں کہوں گا کہ ان کا ابھی کسی سے موازنہ کرنے کے بجائے کچھ سالوں تک کھیلنے دیا جائے پھر شاید ہم کوئی فیصلہ کر سکیں۔

انہوں نے کہا کہ اگر وہ اسی طرح کھیلتے رہے تو ظاہر ہے کہ وہ پاکستان کے عظیم کھلاڑیوں میں سے ایک کے طور پر اپنا کیریئر ختم کریں گے اور میں انہیں مستقبل کے لیے گڈ لک کہتا ہوں۔