پاکستان سپر لیگ کی فرنچائزلاہور قلندرز کے سینئر کھلاڑی محمد حفیظ نے کہا کہ فیلڈنگ بہتر نہ ہونے کی وجہ سے ٹیم اب تک پیچھے ہے۔
لاہور قلندرز کے کیمپ میں میڈیا سے گفتگو کرتے ہوئے آل راؤنڈر نے کہا کہ لاہور قلندرز کے پاس کوالٹی فاسٹ بولرز اور بیٹسمین ہیں، ہمیں فیلڈنگ بہتر بنانے کی ضرورت ہے، فیلڈنگ بہتر ہو تو میچز جیتنے کے امکانات بڑھ جاتے ہیں۔
محمد حفیظ کا کہنا تھا کہ کیمپ میں بہت اچھی تیاری ہو ئی ہے، کھلاڑیوں پر اعتماد ہیں، اب کراچی کے مرحلے پر نظر ہے پی ایس ایل میں آغاز اچھا ہو گا۔
سابق کپتان محمد حفیظ نے کہا کہ شاہین شاہ آفریدی نے اپنی پرفارمنس سے سب کے دل جیتے ہیں، کپتانی چند دنوں میں نہیں آجاتی، ایک اچھا کپتان بننے کے لیے وقت لگتاہے، شاہین کو کھیل کی باریکیوں کی سمجھ ہےاور وہ ایک اچھا کپتان بن سکتاہے لیکن ابھی سے شاہین شاہ آفریدی کے پاکستانی ٹیم کی کپتانی کرنے کے بارےمیں نہیں سوچنا چاہیے۔
محمد حفیظ کا ماننا ہے کہ کووڈ 19 کے کیسز سامنے آ رہے ہیں لیکن اب سب انہی حالات میں رہ رہے ہیں ، امید ہے کہ اس حوالے سے اچھا کام کیا جائے گا، پی ایس ایل کا ایک ہی وقت میں تسلسل کے ساتھ ہونا بہت ضروری ہے ، اس میں کووڈ کی وجہ سے وقفہ نہیں آنا چاہیے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
