دورہ پاکستان سے انکار کرنے والے انگلش پلیئر پی ایس ایل میں شامل

ویب ڈیسک

28th Jan, 2022. 03:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دورہ پاکستان سے انکار کرنے والے انگلش پلیئر پی ایس ایل میں شامل

کراچی: پی ایس ایل 7 میں 8 انگلش پلیئر شامل ہیں جو جلد ہی اپنی ٹیموں کو جوائن کرلیں گے۔

خبر رساں ادارے کی رپورٹ کے مطابق دورہ پاکستان سے انکار کرنے والی ٹیم انگلینڈ کے بیشتر کھلاڑی پی ایس ایل سیزن 7 میں شامل ہیں جو جلد ہی اپنی اپنی ٹیموں کو جوائن کرلیں گے۔

یہ بھی پڑھیں: دورہ پاکستان، آسٹریلوی میڈیا شائقین کرکٹ کے جذبات سے کھیلنے لگا

انگلینڈ کے کھلاڑی ایلکس ہیلز نے اسلام آباد یونائیٹڈ کو جوائن کرلیا ہے جبکہ ویسٹ انڈیز کے خلاف کھیلنے والی انگلینڈ ٹیم کے 10 کھلاڑی پہلے ہی پی ایس ایل کھیل چکے ہیں جبکہ موجودہ 8 ممبرز ویسٹ انڈیز سے براہ راست کراچی پہنچ کر ٹورنامنٹ کا حصہ بنیں گے۔

رپورٹ کے مطابق اگر موجودہ صورت حال کو دیکھا جائے تو چار ماہ قبل انگلینڈ کرکٹ بورڈ کا 4 دنوں پر مشتمل دورہ پاکستان ملتوی کرنا انتہائی حیران کن نظر آتا ہے۔

رپورٹ کے مطابق ان حالات کو مدنظر رکھتے ہوئے ایسا لگتا ہے کہ انگلش کھلاڑی تو پاکستان میں خود کو محفوظ سمجھتے ہوئے کھیلنے کی خواہش رکھتے ہیں لیکن انگلش کرکٹ بورڈ اپنے وعدوں سے منحرف نظر آتا ہے۔

یہ بھی پڑھیں: کرکٹ آسٹریلیا نے دورہ پاکستان کی تیاریوں کی تصدیق کردی

واضح رہے کہ پی ایس ایل کھلاڑیوں کی صلاحتیں آزمانے کی بہترین پلیٹ فارم بن گئی ہے جبکہ لیگ میں شامل زیادہ تر غیر ملکی کھلاڑیوں کا تعلق بھی انگلینڈ سے ہے۔