معروف کمنٹیٹر بھی محمد رضوان کے فین نکلے

ویب ڈیسک

28th Jan, 2022. 04:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معروف کمنٹیٹر بھی محمد رضوان کے فین نکلے

محمد رضوان کی پرجوش کپتانی نے معروف کمنٹیٹر مائیک ہیزمین کو خوش کردیا۔

خبر رساں ادارے کے مطابق وکٹ کیپر و بلے باز سٹمپس کے پیچھے اپنی چستی کے لیے جانے جاتے ہیں تاہم یہ محمد رضوان کی پرجوش کپتانی تھی جس نے مائیک ہیزمین کو بھی خوش کردیا۔

رپورٹ کے مطابق کمنٹری باکس میں مائیک ہیزمین ملتان سلطانز کے کپتان کو میدان میں ان کے پرجوش رویے کی وجہ سے داد دیے بغیر نہ رہ سکے اور گذشتہ روز کھیلے گئے کراچی کنگز کے خلاف میچ میں ان کی کپتانی کو بہت پسند کیا۔

یہ بھی پڑھیں: پی ایس ایل 7؛ ملتان سلطانز نے کراچی کنگز کو افتتاحی میچ میں شکست دیدی

مائیک ہیزمین کا کہنا تھا کہ محمد رضوان کی کپتانی کا انداز بہت پسند ہے، ان کی چستی خرگوش جیسی ہے جو کبھی نہیں رکتا۔

واضح رہے کہ گذشتہ روز پی ایس ایل 7 کے پہلے میں ملتان سلطانز نے محمد رضوان کی قیادت میں کراچی کنگز کو شکست دی تھی جبکہ انہوں نے یہ کامیابی 7 وکٹوں سے اپنے نام کی تھی۔

اس میچ میں بھی ملتان سلطانز کے کپتان محمد رضوان نے شاندار کھیل کا مظاہرہ کرتے ہوئے 52 رنز کی ناقابل شکست اننگ کھیل کر اپنی ٹیم کی جیت میں اہم کردار ادا کیا تھا۔

یہ بھی پڑھیں: محمد رضوان کی سال 2021 کی کارکردگی پر ایک نظر

یاد رہے کہ محمد رضوان ہی کی قیادت میں ملتان سلطانز نے پی ایس ایل 6 میں کامیابی حاصل کرکے پہلی بار ٹرافی اپنے نام کی تھی۔