نوواک جوکو وچ عدالتی جنگ میں سرخرو

ویب ڈیسک

10th Jan, 2022. 12:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نوواک جوکو وچ عدالتی جنگ میں سرخرو

نوواک جوکو وچ نے عدالتی جنگ جیت لی ہے جس کے بعد عدالت نے انہیں رہا کرنے کا حکم جاری کردیا ہے۔

خبر رساں ادارے کی رپورٹ کے مطابق سربیا سے تعلق رکھنے والے ٹینس اسٹار نوواک جوکو وچ عدالتی جنگ میں سرخرو ہوگئے ہیں جبکہ آسٹریلوی عدالت نے انہیں رہا کرنے کا بھی حکم جاری کردیا ہے جس کے بعد اب وہ اپنے ٹائٹل گرینڈ سلیم کا بھی دفاع کرسکیں گے۔

یہ بھی پڑھیں: جوکووچ کو ’بغیر ویکسینیشن‘ آسٹریلین اوپن میں شرکت کی اجازت مل گئی

واضح رہے کہ ٹینس اسٹار نوواک جوکووچ گزشتہ دنوں آسٹریلین اوپن میں شرکت کے لیے آسٹریلیا پہنچے تو امیگریشن حکام نے انہیں روکتے ہوئے ان کا ویزہ منسوخ کردیا تھا جس کے بعد انہوں نے عدالت سے رجوع کرنے کا فیصلہ کیا۔

نوواک جوکووچ نے عدالت میں دائر درخواست میں کہا تھا کہ ان کے پاس درست ویزہ اور آسٹریلین اوپن کے منتظمین کی جانب سے طبی چھوٹ تھی جبکہ انہوں نے موقف اختیار کیا تھا کہ کہ وہ سفر کے پورے معیار پر اترتے ہیں۔

یہ بھی پڑھیں: ویکسینیشن نہ کرانے پر جوکووچ کو آسٹریلیا میں داخلے سے روک دیا گیا

یاد رہے کہ نوواک جوکووچ 16 دسمبر کو کورونا وائرس میں مبتلا ہوگئے تھے جبکہ آسٹریلین اوپن نے انہیں بغیر ویکسی نیشن کے ایونٹ میں شرکت کی اجازت دے دی تھی۔

نوواک جوکووچ نے اپنی درخواست میں اس ہی حوالے سے موقف اختیار کرتے ہوئے لکھا کہ ’انہیں محکمہ داخلہ امور کی جانب سے یکم جنوری کو ایک دستاویز موصول ہوئی جس میں انہیں بتایا گیا کہ وہ قرنطینہ کے بغیر آسٹریلیا گھومنے کی ضروریات پر پورا اترتے ہیں۔

یہ بھی پڑھیں: نوواک جوکووچ کے متعلق عدالتی دستاویز میں سنسنی خیز انکشاف

ان کے وکیل کا کہنا تھا کہ انہیں آسٹریلیا کی جانب سے چھوٹ کا سرٹیفکٹ موصول ہوا جو ماہرین کے ایک آزاد پینل کی جانب سے دیا گیا تھا۔