سربین ٹینس اسٹار نوواک جوکووچ کو رہائی کے چند گھنٹوں بعددوبارہ گرفتارکرلیا گیا۔

آسٹریلوی میڈیا کے مطابق نوواک جوکووچ کو چند گھنٹوں قبل ہی رواں برس کے آسٹریلین اوپن میں حصہ لینے کی اجازت ملنے کے باوجود آسٹریلوی حکومت نے مبینہ طور پر گرفتار کر لیا ہے۔

ایک مقامی خاتون صحافی نے اپنی ٹوئیٹ میں لکھا کہ جوکووچ کے والد نے انہیں بتایا ہے کہ ان کے بیٹے کو گرفتار کرلیا گیا ہے۔

https://twitter.com/ksenijapavlovic/status/1480444088969314304?ref_src=twsrc%5Etfw%7Ctwcamp%5Etweetembed%7Ctwterm%5E1480448689533554689%7Ctwgr%5E%7Ctwcon%5Es3_&ref_url=https%3A%2F%2Fwww.sportbible.com%2Ftennis%2Fdjokovic-reported-arrested-after-visa-cancellation-has-been-overturned-20220110

عالمی نمبر ایک اور دفاعی چیمپئن نوواک جوکووچ کے رواں ماہ کے آغاز میں آسٹریلیا پہنچنے پر ان کا ویزا منسوخ کرکے انہیں  ملک میں داخلے سے روک دیا گیا تھا۔

مزید پڑھیئے: نوواک جوکو وچ عدالتی جنگ میں سرخرو

جوکووچ کو آسٹریلیا میں داخلے اور نئے سال کے پہلے گرینڈ سلیم ایونٹ میں شرکت کے لیے طبی استثنیٰ ثابت نہ کرسکنے پر جمعرات کو ایک ہوٹل میں حراست میں لیا گیا تھا ۔

سربین ٹینس اسٹار نے آسٹریلوی حکام کی جانب سے ویزا منسوخ کیے جانے کے فیصلے پر عدالت سے رجوع کیا تھا۔

مزید پڑھیئے: جوکووچ کو ’بغیر ویکسینیشن‘ آسٹریلین اوپن میں شرکت کی اجازت مل گئی

بالآخر عدالت نے آج (پیر کے روز) جوکووچ کے  حق میں فیصلہ سناتے ہوئے ویزا کی منسوخی کے حکم کو فوری طور پر منسوخ کر دیا اور ان کی رہائی کے احکامات جاری کردیے۔

تاہم ان کی گرفتاری کی خبروں سے ایسا لگتا ہے کہ جوکووچ پر ابھی بھی رواں ماہ آسٹریلین اوپن میں کھیلنے پر پابندی لگائی جا سکتی ہے اور عدالتی فیصلے کے باوجود آسٹریلوی حکام انہیں ملک بدر کرسکتے ہیں۔

دوسری جانب دفاعی چیمپئن کے مداحوں نے ان کی گرفتاری کے روز سے ہی ہوٹل کے باہر ان کے حق میں احتجاج جاری رکھا ہوا ہے ۔