پاکستان سپر لیگ کے دوسرے میچ میں پشاور زلمی نے کوئٹہ گلیڈی ایٹرز کو 5 وکٹ سے شکست دے دی۔ 

نیشنل اسٹیڈیم کراچی میں کھیلے گئے پاکستان سپر لیگ (پی ایس ایل) کے ساتویں ایڈیشن کے دوسرے میچ میں کوئٹہ گلیڈی ایٹرز نے پہلے بیٹنگ کرتے ہوئے مقررہ 20 اوورز میں 4 وکٹ کے نقصان پر 190 رنز بنائے جس کے جواب میں پشاور زلمی نے مطلوبہ ہدف آخری اوور میں 5 وکٹ کے نقصان پر پورا کیا۔

پشاور زلمی کی جانب سے ٹام کولر کیڈمور اور یاسر خان نے جارحانہ آغاز فراہم کیا تاہم یاسر 12 گیندوں پر 30 رنز کی اننگز کھیلنے کے بعد پویلین واپس لوٹ گئے جب کہ کیڈمور نے 22 رنز کی اننگز کھیلی۔

💪🏼 #HBLPSL7 l #LevelHai l #QGvPZ pic.twitter.com/YCO97039Se

— PakistanSuperLeague (@thePSLt20) January 28, 2022

تیسرے نمبر پر بیٹنگ کے لیے آنے والے حیدر علی نے 19 رنز کی اننگز کھیلی جس کے بعد کپتان شیعب ملک بیٹنگ کے لیے آئے اور انتہائی ذمہ دارانہ بیٹنگ کرتے ہوئے آخر تک وکٹ پر ڈٹے رہے وہ 48 رنز پر ناقابل شکست رہے۔

It’s raining sixes in the NSK today. This time it’s @HussainTallat12 🙌🏼 #HBLPSL7 l #LevelHai l #QGvPZ pic.twitter.com/FQ94FIcjkE

— PakistanSuperLeague (@thePSLt20) January 28, 2022

تاہم پشاور زلمی کی جیت میں اہم کردار ادا کرنے والے حسین طلعت تھے جنہوں نے 29 گیندوں پر 52 رنز کی جارحانہ اننگز کھیلی جس میں 2 چھکے اور 5 چوکے شامل تھے۔ شرفین ردرفورڈ نے 10 رنز بنائے۔

S L A P P E D! #HBLPSL7 l #LevelHai l #QGvPZ pic.twitter.com/Mr7GnlnQ3E

— PakistanSuperLeague (@thePSLt20) January 28, 2022

کوئٹہ گلیڈی ایٹرز کی جانب سے محمد نواز نے زبردست بولنگ کا مظاہرہ کیا تاہم وہ ٹیم کو فتحیاب نہ کرواسکے، انہوں نے 3 وکٹیں حاصل کیں جب کہ جیمز فالکنر اور نسیم شاہ کے حصے میں ایک ایک وکٹ آئی ۔

اس سے قبل پشاور زلمی نے ٹاس جیت کر کوئٹہ گلیڈی ایٹرز کو پہلے بیٹنگ کرنے کی دعوت دی۔

کوئٹہ گلیڈی ایٹرز کی جانب سے ول سمیڈ اور احسن علی نے ٹیم کو شاندار آغاز فراہم کیا، اس دوران دونوں کھلاڑیوں نے اپنی نصف سنچریاں بھی مکمل کیں۔

5️⃣0️⃣ up for both openers 🙌🏼 #HBLPSL7 l #LevelHai l #QGvPZ pic.twitter.com/fg34w9zmYR

— PakistanSuperLeague (@thePSLt20) January 28, 2022

اوپنر ول سمیڈ نے 97 رنز کی جارحانہ اننگ کھیلی ان کی اننگ میں 11 چوکے اور 4 چھکے شامل تھے جب کہ احسن علی 73 رنز بناکر آؤٹ ہوئے جس میں 3 چھکے اور 8 چوکے شامل تھے۔

Catch?
Ahsan Ali doesn’t think so 😉#HBLPSL7 l #LevelHai l #QGvPZ pic.twitter.com/GLJ0vE4QR1

— PakistanSuperLeague (@thePSLt20) January 28, 2022

کوئٹہ گلیڈی ایٹرز کا کوئی اور بلے باز بڑی اننگز کھیلنے میں ناکام رہا۔ بین ڈکٹ 0، افتخار احمد 8 ، محمد نواز 5 رنز بنا کر ناٹ آؤٹ رہے۔

🚀 #HBLPSL7 l #LevelHai l #QGvPZ pic.twitter.com/gguaYXtIIy

— PakistanSuperLeague (@thePSLt20) January 28, 2022

پشاور زلمی کی جانب سے سمین گل اور عثمان قادر نے 2،2 وکٹیں حاصل کیں۔

Power hit 💥 Will Smeed planned to send this one to Quetta! #HBLPSL7 l #LevelHai l #QGvPZ pic.twitter.com/qrOS38eRvh

— PakistanSuperLeague (@thePSLt20) January 28, 2022

کوئٹہ کی ٹیم میں کپتان سرفراز احمد کے علاوہ ، ول اسمیڈ ، احسن علی، بین ڈکٹ، افتخار احمد، سہیل تنویر، محمد نواز، محمد حسنین ، جیمز فولکنر، نسیم شاہ اور محمد عاشر قریشی شامل ہیں۔

پشاور کی ٹیم میں شعیب ملک کے علاوہ  ٹام کوہلر کیڈمور،یاسر خان، حیدر علی، حسین طلعت، شرفین ردرفورڈ،بین کٹنگ، سہیل خان، عثمان قادر ، سمین گل اور پیٹ براؤن شامل ہیں۔