عالمی نمبر ایک ٹینس اسٹار نوواک جوکووچ کو آسٹریلین اوپن میں شرکت کی اجازت مل گئی ۔

سماجی رابطے کی ویب سائٹ ٹوئیٹر پر جاری پیغام میں نوواک جوکووچ نے اس بات کی تصدیق  کی ہے کہ وہ لازمی کورونا ویکسینیشن  سے استثنیٰ ملنے کے بعد 2022 کے پہلے گرینڈ سلیم میں شرکت کے لیے آسٹریلیا جا رہے ہیں ۔

نوواک جوکووچ نے کرسمس اور نیو ایئر کی چھٹیوں کے دوران مکمل خاموشی اختیار کر رکھی تھی کہ آیا وہ جنوری 2022 میں آسٹریلین اوپن میں حصہ لیں گے یا نہیں۔

Happy New Year! Wishing you all health, love & joy in every moment & may you feel love & respect towards all beings on this wonderful planet.

Advertisement

I’ve spent fantastic quality time with loved ones over break & today I’m heading Down Under with an exemption permission. Let’s go 2022! pic.twitter.com/e688iSO2d4

— Novak Djokovic (@DjokerNole) January 4, 2022

انہوں نے سربیا کی اے ٹی پی  کپ ٹیم سے بھی بغیر کسی وضاحت کے دستبرداری کا اعلان کردیا تھا۔

واضح رہے کہ گزشتہ ماہ  کے آخر میں ٹینس اسٹارز سیزن کے پہلے گرینڈ سلیم ایونٹ کی تیاری کے لیے آسٹریلیا پہنچنا شروع ہوئے تھے تاہم ان کے درمیان جوکووچ کہیں نظر نہیں آرہے تھے۔

ان کی غیر موجودگی نے ان قیاس آرائیوں میں اضافہ کیا کہ شاید وہ اس بات کی تصدیق  یا تردید کرنے سے انکار کرتے ہوئے آسٹریلیا کا سفر نہیں کریں گے کہ آیا انہوں نے کورونا وائرس ویکسین لگوائی ہے یا نہیں۔

تاہم اب   جب ایونٹ کے آغاز میں دو ہفتوں سے بھی کم وقت رہ گیا ہےتو  20 بار کے گرینڈ سلیم چیمپئن نے خود اس بات کی تصدیق کردی ہے کہ وہ لازمی کورونا ویکسینیشن سے استثنیٰ ملنے کے بعد  ایونٹ میں شرکت  کریں گے۔

یاد رہے کہ جوکووچ نےاپنی میڈیکل پرائیویسی قرار دے کر متعد د مرتبہ پوچھے جانے کے باوجود ویکسینیشن سے متعلق نہیں بتایا ہے۔