کراچی: پی ایس ایل 7 میں پشاورزلمی کے کھلاڑی بین کٹنگ کراچی پہنچ گئے ہیں۔

آسٹریلیا سے تعلق رکھنے والے بین کٹنگ پی ایس ایل 7 کے لیے کراچی پہنچ گئے جبکہ وہ پی ایس ایل 7 میں پشاور زلمی کی نمائندگی کریں گے۔

بین کٹنگ کا کہنا تھا کہ پی ایس ایل میں پشاور زلمی کی نمائندگی کرنے کے لیے پرجوش ہوں۔

واضح رہے کہ پی ایس ایل 7 میں شرکت کے لیے غیر ملکی کھلاڑٰی بھی پرجوش دکھائی دے رہے ہیں جس حوالے سے انہوں نے اپنے تاثرات کا بھی اظہارکیا ہے۔

ملتان سلطانز کے غیر ملکی کھلاڑی جانسن چارلس کا کہنا تھا کہ وہ پاکستان کا دورہ کرنے کے لیے بہت پرجوش ہیں۔ یہ ان کا دوسرا دورہ پاکستان ہے اور وہ یہاں کے کھانوں اور ثقافت کے رنگوں کو دیکھنے کے منتظر ہیں۔

انہوں نے کہا کہ وہ ایک مرتبہ پھر اپنے اسکواڈ میں منتخب کرنے پر ملتان سلطانز کے مشکور ہیں اور وہ اپنی ٹیم کے پرانے ساتھیوں کو فیفا گیمز میں ہرانے کے لیے تیار ہیں۔

دوسری جانب کراچی کنگز کے کھلاڑی کرس جارڈن کا کہنا تھا کہ پی ایس ایل ایک مسابقتی لیگ ہے اور انہیں اس میں شرکت کرنا بہت پسند ہے۔ وہ کراچی کنگز میں واپسی پر بہت خوش ہیں۔

ان کا کہنا تھا کہ کراچی کنگز کا اسکواڈ بہترین کھلاڑیوں پر مشتمل ہے جبکہ آخری مرتبہ جب وہ کراچی کنگز کے ساتھ تھے تو ان کی ٹیم نے ٹائٹل جیتا تھا۔

یہ بھی پڑھیں: پی ایس ایل 7کی ڈارافٹنگ مکمل ہوگئی،کئی ملکی اور غیر ملکی کھلاڑی جگہ نہ بنا سکے

یاد رہے کہ پی ایس ایل 7 کا آغاز 27 جنوری سے کراچی میں ہورہا ہے جس کا پہلا مرحلہ 7 فروری تک جاری رہے جبکہ ابتدائی میچ کراچی کنگز اور ملتان سلطانز کی ٹیموں کے درمیان کھیلا جائے گا۔

ایونٹ کا دوسرا مرحلہ 10 فروری سے لاہور کے قذافی اسٹیڈیم میں شروع ہوگا جو 27 فروری تک جاری رہے گا۔