لاہور : ٹیسٹ کرکٹر یاسر شاہ نے زیادتی کیس میں بے گناہ ثابت ہونے کے بعد انہوں نے دعویٰ کیا کہ وہ ہتک عزت کا مقدمی دائر کریں گے۔

قومی کرکٹر یاسر شاہ نے بے گناہی ثابت ہونے کے بعد سماجی رابطے کی ویب سائٹ ٹوئٹر پر جاری پیغام میں کہا کہ  الحمد اللہ انصاف غالب آگیا۔

یاسر شاہ نے لکھا کہ میں پاکستان کی نمائندگی کرتا ہوں،میری شہرت کو نقصان پہنچا کر پاکستان کو نقصان پہنچایا گیا ہے۔

انہوں نے کہا کہ صرف ملک سے نفرت کرنے والے ہی اپنے مفاد کی خاطر اتنا گِر سکتے ہیں ۔

انکا کہنا تھا کہ یہ سب زاتی مفاد کی وجہ سے میرے خلاف کیس کروا گیا، اس معاملے اور کیس میں جو ملوث تھے، ان پر ہتک عزت کا دعوی دائر کرونگا۔

Allhamdullilah pic.twitter.com/aX9Hw88CFH

— Yasir Shah (@Shah64Y) January 12, 2022

یاسر شاہ نے کہا کہ فینز ، پی سی بی، فیملی کی سپورٹ اور دعاؤں کی بدولت مجھ پر بنایا گیا زیادتی کا مقدمہ خارج ہوگیا ہے، یہ ان سب کے بھروسے کے بغیر ممکن نہیں تھا۔

واضح رہے کہ اسلام آباد کے تھانہ شالیمار نے کرکٹر یاسر شاہ کا نام ایف آئی آر سے خارج کر دیا ہے۔

متاثرہ خاتون کا اعتراف کیا کہ یاسر شاہ کا نام غلط بیانی کے باعث ایف آئی آر میں شامل ہوا، انکا اس کیس سے کوئی تعلق نہیں ہے۔

ایف آئی آر کی ضمنی رپورٹ جاری کر دی گئی ہے جس میں مدعیہ نے بھی یاسر شاہ کانام کیس سے نکالنے کا کہا ہے۔