کراچی: پشاور زلمی کے سابق کپتان اور کوچ ڈیرن سیمی نے پشاور زلمی کے فائنل میں پہنچنے کی پیش گوئی کردی ہے۔

گذشتہ روز پشاور زلمی کی شکست کے بعد سماجی رابطے کی مائیکرو بلاگنگ ویب سائٹ ٹوئٹر پر پشاور زلمی کے کپتان شعیب ملک نے اسلام آباد ہونائیٹڈ کو جیت کی مبارک باد پیش کرتے ہوئے ایک خصوصی پیغام جاری کیا۔

https://twitter.com/realshoaibmalik/status/1487783626633023489?ref_src=twsrc%5Etfw%7Ctwcamp%5Etweetembed%7Ctwterm%5E1487783626633023489%7Ctwgr%5E%7Ctwcon%5Es1_&ref_url=https%3A%2F%2Fjang.com.pk%2Fnews%2F1044219

شعیب ملک کا کہنا تھا کہ آپ کچھ جیت گئے تو کچھ ہارے، مگر ٹورنامنٹ ابھی شروع ہوا ہے اور بہت چیزیں دلچسپ ہونے والی ہیں۔

اس ٹوئٹ کے جواب میں ویسٹ انڈیز سے تعلق رکھنے والے پشاور زلمی کے سابق کپتان اور کوچ ڈیرن سیمی نے شعیب ملک کی بات پر رد عمل دیتے ہوئے کہا کہ ’بالکل فکر مند ہوں، پشاور زلمی پی ایس ایل 7 کے فائنل میں پہنچے گی‘۔

Not worried at all @PeshawarZalmi will be in the finals https://t.co/mBTVSO72NJ

— Daren Sammy (@darensammy88) January 31, 2022

واضح رہے کہ ڈیرن سیمی رواں سال پی ایس ایل کے سیزن میں اپنے ذاتی مصروففیات کی وجہ سے شرکت نہیں کرسکیں ہیں جبکہ وہ اپنے ملک میں موجود رہ کر بھی پشاور زلمی کو سپورٹ کرتے دکھائی دے رہے ہیں۔

دوسری جانب پشاور زلمی پی ایس ایل 7 میں اب تک 2 میچز کھیل چکی ہے جس میں سے ایک میں انہیں کامیابی جبکہ ایک میں ناکامی کا سامنا کرنا پڑا ہے۔

پی ایس ایل 7 میں پشاور زلمی نے اپنا پہلا میچ کوئٹہ گلیڈی ایٹرز کے خلاف جس میں انہیں 5 وکٹوں سے کامیابی نصیب ہوئی جبکہ دوسرے میچ میں پشاور زلمی کو اسلام آباد یانائیٹڈ کے ہاتھوں 9 وکٹوں سے بدترین شکست ہوئی ہے۔