قومی کرکٹ ٹیم کے سابق کپتان وسیم اکرم نے سال نو کے موقع پر والدین کے نام پیغام جاری کرتے ہوئے درخواست کی ہے۔

سوئنگ کے سلطان وسیم اکرم نے سال نو کے موقع پر سماجی رابطے کی مائیکرو بلاگنگ ویب سائٹ ٹوئٹر پر ایک ویڈیو پیغام جاری کیا ہے جس میں انہوں نے اپنی اور اپنے خاندان کی جانب سے نئے سال کی مبارکباد پیش کی ہے۔

Hope everyone had a safe New Year’s Eve last night. Please listen to my message carefully, if we want betterment for our country then we need to all work together to make a change! #StopAirFiring #GunSafety #HappyNewYear2022 @sindhpolicedmc8 pic.twitter.com/99pOHu6pOw

— Wasim Akram (@wasimakramlive) January 1, 2022

قومی ٹیم کے سابق کپتان کا اپنے ویڈیو پیغام میں کہنا تھا کہ ’مجھے ایک درخواست کرنی ہے جو بہت ہی ضروری ہے، ہم ذرا اپنے بچوں کو سمجھائیں کے وہ دکھاوا کرنا بند کریں۔

انہوں نے خبردار کرتے ہوئے کہا کہ ہمیں خود کو بدلنا ہوگا، ہم 70 کی دہائی چیزیں دہرائے جارہے ہیں۔ انہوں نے کہا کہ یاد رکھوں جس گولی نے اوپر جانا ہے تو اس نے نیچے بھی آنا ہے اور واپس آکر وہ کسی کو بھی لگ سکتی ہے جس میں آپ کے عزیز بھی ہوسکتے ہیں۔

واضح رہے کہ سال نو کے آغاز پر رات 12 بجتے ہی مختلف ممالک میں آتش بازی کا مظاہرہ کیا جاتا ہے جبکہ پاکستان میں آتش بازی کے ساتھ ساتھ ہوائی فائرنگ بھی کی جاتی ہے۔

یاد رہے کہ گزشتہ روز کراچی میں پولیس کی کوششوں کے باوجود نئے سال کی آمد کے موقع پر مختلف علاقوں میں شدید ہوائی فائرنگ کے واقعات رپورٹ کیے گئے ہیں جس کے نتیجے میں 1 بچہ جاں بحق جبکہ 17 افراد زخمی ہوگئے ہیں۔

فائرنگ کے واقعات کورنگی، عزیز آباد، لیاقت آباد، بلدیہ، رنچھوڑ لائن، پریڈی، کالا پل، گلستان جوہر م سولجر بازار، ملیر گوشت مارکیٹ، گرومندر، نارتھ ناظم آباد، کورنگی، واٹر پمپ، کھاردار اور ریلوے سٹی میں پیش آئے۔