کراچی: مینجمنٹ نے پی ایس ایل 7 کے لیے 15 بیک اپ کھلاڑیوں کو منتخب کرلیا ہے۔

پی ایس ایل مینجمنٹ اور فرنچائزز نے بیک اپ کھلاڑیوں کے طور ہر 15 کھلاڑیوں کو منتخب کیا ہے جس میں سعود شکیل، عمیر بن یوسف، عماد عالم، وقاص مقصود اور آرش خان شامل ہیں۔

علاوہ ازیں بیک کھلاڑیوں کے طور پر عامر جمال، عماد بٹ، ناصر نواز، امام الحق، زاہد محمود، طیب طاہر، حسان خان، بسم اللہ خان، ابرار احمد اور عمر صدیق کو شامل کیا گیا ہے۔

واضح رہے کہ ان کھلاڑیوں کو بیک اپ کے طور پر اس لیے منتخب کیا گیا ہے تاکہ اگر ایونٹ کے دوران کسی کھلاڑی کا کووڈ مثبت آجائے تو اس کھلاڑی کے بیک اپ کے طور پر دوسرا کھلاڑی فوری طور پر تیار ہوگا۔

بیک اپ میں شامل کھلاڑی بھی 20 جنوری سے کراچی کے بائیو ببل کا حصہ بن کر ایونٹ کے اختتام تک دیگر کھلاڑیوں کے ساتھ موجود رہیں گے۔

یاد رہے کہ پی ایس ایل 7 کے آفیشل ترانے کے لیے عاطف اسلم اور عائمہ بیگ کا انتخاب کیا گیا ہے جبکہ اس ترانے کو پروڈیوس عبداللہ صدیقی کریں گے۔ پی ایس ایل 7 کا آفیشل ترانہ اگلے ہفتے ریلیز کیے جانے کا امکان ہے۔

یہ پہلا موقع ہو گا جب عاطف اسلم پی سی بی کے میگا ایونٹ کا گانا گائیں گے جبکہ آئمہ بیگ اس سے قبل گذشتہ سال گروو میرا  ترانے میں اپنی آواز کا جادو چلا چکی ہیں۔

یاد رہے کہ پی ایس ایل 7 کا آغاز رواں ماہ 27 جنوری سے کراچی کے نیشنل اسٹیڈیم میں شروع ہوگا جو دفاعی چیمپئن ملتان سلطانز اور کراچی کنگز کے درمیان کھیلا جائے گا۔

ایونٹ کا فائنل 27 فروری کو لاہور کے قذافی اسٹیڈیم میں کھیلا جائے گا۔