ویرات کوہلی کی ٹیسٹ ٹیم کی کپتانی سے دستبراد ہونے پر انوشکا شرما نے جذباتی پیغام جاری کیا ہے۔

بھارتی ٹیسٹ ٹیم کے سابق کپتان ویرات کوہلی کی اہلیہ اور بالی ووڈ کی نامور ادکارہ انوشکا شرما نے اپنے انسٹاگرام اکاؤنٹ پر ایک بیان جاری کیا ہے۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by AnushkaSharma1588 (@anushkasharma)

Advertisement

شوہر کی ریٹائرمنٹ کے اعلان پر جذباتی پیغام جاری کرتے ہوئے ان کا کہنا تھا کہ ’ویرات کوہلی میچ ہارنے پر بعض اوقات رو پڑتے تھے، مجھے آج بھی یاد ہے جب آپ نے 2014 میں ایم ایس دھونی کے ٹیسٹ کرکٹ سے ریٹائر ہونے پر آپ کو کپتان بنانے کا بتایا تھا‘۔

انہوں نے کہا کہ مجھے اسی روز بعد میں ایم ایس دھونی، آپ کی اور اپنی وہ گفتگو یاد ہے جب دھونی نے مزاق کرتے ہوئے کہا تھا کہ اب تمھاری داڑھی کتنی جلد سرمئی ہوگی۔

انوشکا شرما نے کہا کہ ’اس دن کے بعد سے میں نے صرف داڑھی ہی سرمئی ہوتی نہیں دیکھی بلکہ آگے بڑھتے ہوئے بھی دیکھا ہے اور میں انڈین کپتان کے طور پر آپ پر فخر کرتی ہوں۔

انہوں نے کہا کہ یہ سوچنا کہ اچھی سوچ، نیت، ارادہ اور مثبت طرز آپ کو آگے لے جاسکتا ہے، ایسا ضرور ہے لیکن یہ چیلنجز کے بغیر ممکن نہیں اور یقیناً ان چیلنجز میں بہت سے فیلڈ سے متعلق نہیں تھے لیکن یہی تو زندگی ہے ناں؟۔

انہوں نے مزید کہا کہ آپ نے کسی چیز کو اپنی سوچ کے سامنے نہیں آنے دیا، میں آپ سے محبت اور فخر کرتی ہوں۔ آپ نے کامیابیوں کے لیے ہر ممکن کوشش کی جبکہ بعض اوقار ہارنے میں آپ کی آنکھیں نم ہوجایا کرتی تھی اور آپ یہ سوچتے تھے کہ اس سے مزید بہتر کیا ہوسکتا ہے۔

انوشکا شرما کا پیغام دیتے ہوئے کہنا تھا کہ آپ پرفیکٹ نہیں اور خامیاں رکھتے ہیں لیکن آپ نے کبھی انہیں چھپانے کی کوشش نہیں کی بلکہ اسے ٹھیک کرنے کی کوشش کی۔

واضح رہے کہ انڈین ٹیسٹ ٹیم کے کپتان ویرات کوہلی نے ٹی ٹوئنٹی اور ون ڈے کے بعد ٹیسٹ ٹیم کی قیادت سے بھی دستبرادر ہونے کا اعلان کیا ہے۔

ریٹائرمنٹ کا اعلان کرتے ہوئے ان کا کہنا تھا کہ ہر چیز کا ایک اختتام ہے۔ 7 برس کی طویل جدوجہد اور محنت کہ جس کا مقصد ٹیم کو ایک نئی جہت اور سمت کے ساتھ کامیابیوں سے ہمکنار کروانا مقصود رہا۔

ان کا کہنا تھا کہ میں نے یہ ذمہ داری پوری محنت اور دیانت داری کے ساتھ نبھائی اور اپنا 120 پرسنٹ کردار ادا کیا ہے، میں بی سی سی آئی کا شکر گزار ہوں کہ اس نے مجھے ایک طویل عرصے تک یہ ذمے داری نبھانے کا موقع دیا۔

انھوں نے مزید کہا کہ تمام ساتھی کھلاڑیوں کا بھی شکریہ جنہوں نے میرے بھارتی کرکٹ ٹیم کے بابت وژن میں میرا ساتھ دیا اور میں ایم ایس دھونی کا بھی مشکور ہوں کہ انۃوں نے مجھ پر بطور کپتان اعتبار کیا۔