بھارتی ٹینس اسٹار ثانیہ مرزا نے ٹینس سے ریٹائرمنٹ لینے کا اعلان کردیا ہے، انہوں نے یہ فیصلہ آسٹریلین اوپن خواتین کے ڈبل ایونٹس کے پہلے راؤنڈ میں شکست کے بعد کیا ہے۔
غیر ملکی میڈیا رپورٹس کے مطابق بھارتی ٹینس اسٹار اور پاکستانی کرکٹر شعیب ملک کی اہلیہ ثانیہ مرزا نے ٹینس کو خیرباد کہنے کا ارادہ کرلیا ہے جبکہ 2022 کا ٹینس سیزن ان کے کیریئر کا آخری سیزن ہوگا۔
یہ بھی پڑھیں: ثانیہ مرزا نے مداحوں کو خبردار کردیا
Advertisement
میڈیا رپورٹس کے مطابق انہوں نے یہ فیصلہ ایسے وقت میں کیا ہے جب انہیں آسٹریلین اوپن خواتین کے ڈبل ایونٹس کے پہلے راؤنڈ میں شکست کا سامنا کرنا پڑا تھا۔
اس میچ کے بعد میڈیا سے گفتکو کرتے ہوئے ان کا کہنا تھا یہ فیصلہ آسان نہیں تھا لیکن اس کی کچھ وجوہات ہیں، میرے لیے سب سے اہم میرا بیٹا ہے اور میرا بہت زیادہ سفر کرنا اس کے لیے اچھا نہیں۔
یہ بھی پڑھیں: ثانیہ مرزا کی کینگروز کے ساتھ تصویر سوشل میڈیا پر وائرل
انہوں نے کہا کہ میری فٹنس بھی کافی کم ہورہی ہے اور مجھے لگتا ہے کہ اس کی ریکوری میں لمبا عرصہ لگے گا۔
Advertisement
واضح رہے کہ سابق کپتان کی اہلیہ 6 مرتبہ گرینڈ سلم ٹائٹل اپنے نام کرچکی ہیں جبکہ وہ ڈبلیو ٹی اے کی سنگل رینکنگ میں ٹاپ 30 میں شامل پہلی انڈین کھلاڑی ہیں۔
علاوہ ازیں ثانیہ مرزا ڈبلیو ٹی اے کی ڈبلز رینکنگ میں ٹاپ پر بھی رہ چکی ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
