لاہور: قومی کرکٹر شعیب ملک نے لاہور کے پوش علاقے میں ’دی رائش باؤل‘ کے نام سے اپنا ریسٹورنٹ کھول لیا ہے۔

قومی کرکٹ ٹیم کے سابق کپتان اور آل راؤنڈر شعیب ملک نے لاہور کے پوش علاقے میں ’دی رائش باؤل‘ کے نام سے اپنا ریسٹورنٹ کی لانچنگ کی تقریب منعقد کی جس میں عاطف اسلم سمیت نامور کھلاڑیوں نے شرکت کی۔

تقریب کو چار چاند گلوکار عاطف اسلم نے لگائے جب وہ اچانک تقریب میں پہنچ گئے جبکہ اس تقریب میں پاکستان ٹیم کے سابق بولنگ کوچ وقار یونس، قومی کرکٹر وہاب ریاض، حسن علی اور شان مسعود نے بھی شرکت کی۔

– The legendary @waqyounis99 at the opening ceremony of #RICEBOWL#RiceBowlZblockDHA #WaqarYounis @realshoaibmalik @waqyounis99 #Cricket #Pakistan pic.twitter.com/uq0gwr9MI7

— Arsalan H. Shah ~ Proud Pakistani (@arsalanhshah) January 9, 2022

شعیب ملک کا سماجی رابطے کی مائیکرو بلاگنگ ویب سائٹ ٹوئٹر پر جاری اپنے بیان میں کہنا تھا کہ عاطف اسلم نے اچانک پہنچ کر سب کو حیران کردیا اور یہ ایک خوشگوار سرپرائز تھا جبکہ انہوں نے عاطف اسلم کے لیے اپنی محبت کا بھی اظہار کیا۔

– What a lovely surprise it was @itsaadee to see you pop out of the blue at the launch of #RiceBowl earlier today…

Sir tussi great ho, love you ❤#RiceBowlZBlockDHA #RiceBowl #Lahore #Pakistan pic.twitter.com/Dk14RJQ9D5

— Shoaib Malik 🇵🇰 (@realshoaibmalik) January 9, 2022

واضح رہے کہ قومی کرکٹر شعیب ملک آل راؤنڈر ہیں جو 35 ٹیسٹ، 287 ون ڈے اور 124 ٹی ٹوئنٹی انٹرنیشنل میچز میں پاکستان ٹیم کی نمائندگی کرچکے ہیں جبکہ انہوں نے اپنے کیریئر میں 11 ہزار 867 رنز اسکور کیے ہیں۔

علاوہ ازیں شعیب ملک کی 12 سنچریاں اور 52 نصف سنچریاں شامل ہیں جبکہ انہوں نے انٹرنیشنل میچز میں 218 وکٹیں بھی حاصل کی ہیں۔