عالمی نمبر ایک ٹینس اسٹار نوواک جوکووچ نے وفاقی سرکٹ کورٹ کے حلف نامے میں کہا ہے کہ ان میں 16 دسمبر کو کورونا وائرس کی تشخیص ہوئی تھی۔

جج نے بالآخر فیصلہ کیا کہ جوکووچ کا ویزا منسوخ نہیں کیا جانا چاہیئے اور انہیں آسٹریلیا میں ٹینس کھیلنے کے لیے رہنے دینا چاہیئے۔

تاہم بدھ کے روز سوشل میڈیا پر ایک پوسٹ میں انہوں نے کہا کہ انہیں ان کے مثبت نتیجے کے متعلق 16 نہیں بلکہ 17 دسمبر کو معلوم ہوا تھا،جس کی وجہ سے وہ 16 تاریخ کو عوامی تقاریب میں گئے۔

عدالت کو گمراہ کن معلومات دینے پانچ سال قید تک کی سزا ہے۔

بدھ کو جوکووچ کو ایک تصوری میں 17 جنوری سے شروع ہونے والے گرینڈ سلیم سے قبل پریکٹس کرتے ہوئے دیکھا گیا۔

قوی امکان ہے جوکووچ کو شائقین اور ساتھی کھلاڑیوں کی جانب سے زبردست انداز میں خوش آمدید کہا جائے گا کیوں کے وہ مردوں کے ریکارڈ 21ویں ٹائٹل کی دوڑ میں ہیں اور میلبرن میں یہ ان کا 10 واں ٹائٹل ہے۔

تاہم، عین ممکن ہے انہیں واپس گھر بھیج دیا جائے۔

جوکووچ کی قسمت کا فیصلہ وزیر امیگریشن ایلکس ہاک کریں گے جو ذاتی طور پر معاملے میں مداخلت کرتے ہوئے ویزا کینسل کرنے کا فیصلہ کر سکتے ہیں، جس کے سبب ٹینس کے عالمی نمبر ایک پر آسٹریلیا میں تین سال تک داخل نہیں ہو سکیں گے۔

یہ فیصلہ جمعرات کو متوقع ہے۔