انگلینڈ نے افغانستان کے انڈر19 ورلڈکپ کا فائنل کھیلنے کا خواب چکنا چور کردیا۔

انڈر 19 ورلڈکپ کے پہلے سیمی فائنل میں انگلینڈ نے افغانستان کو بارش سے متاثرہ میچ میں ڈک ورتھ لوئس طریقہ کار کے تحت 15 رنز سے شکست دے دی۔

انگلینڈ نے ٹاس جیت کر پہلے بیٹنگ کرنے کا فیصلہ کیا اور مقررہ 47 اوورز میں 6 وکٹوں کے نقصان پر 231 رنز بنائے۔

جارج بیل 56 اور ایلکس ہورٹن 53 رنز بناکر ناقابل شکست رہے جبکہ جارج تھامس 50 رنز بناکر آؤٹ ہوئے۔ کپتان ٹام پریسٹ 17، ریحان احمد 16، جیمز ریو 12، ولیم لکسٹن 11 اور جیکب بیتھل 2 رنز بناکر آؤٹ ہوئے۔

افغانستان کی جانب سے نوید زادران اور نور احمد نے 2،2 جبکہ ننگیالیا کھروٹے اور اظہار الحق نوید نے ایک ایک وکٹ حاصل کی۔

https://twitter.com/cricketworldcup/status/1488623503330971652

بارش سے متاثرہ میچ میں افغانستان کی ٹیم  کو مقررہ 47 اوورز میں  231 رنز کا ہدف ملا تاہم افغان ٹیم اسے حاصل کرنے میں ناکام رہی اور مقررہ اوورز میں 9 وکٹوں کے نقصان پر 215 رنز ہی بناسکی۔

اللہ نور 60، محمد اسحاق 43، عبدالہادی ناقابل شکست 37 ،بلال احمد 33 اور نور احمد 25 رنز بناکر نمایاں رہے۔

ان کے علاوہ اعجاز احمد احمدزئی 4 جبکہ ننگیالیا کھروٹے، کپتان سلیمان صفی، اظہار الحق نوید اور بلال سمیع بغیر کوئی رن بنائے آؤٹ ہوئے۔

انگلینڈ کی جانب سے ریحان احمد نے 4، تھامس ایسپنوال نے 2 جبکہ ٹام پریسٹ اور جوشوا بوائیڈن نے ایک ایک وکٹ حاصل کی۔

Advertisement

W 1 . W W .

What an over this was from Rehan Ahmed, changed the course of the game in England's favour 🔥#ENGvAFG | #U19CWC pic.twitter.com/mjz8CxsRFb

— ICC Cricket World Cup (@cricketworldcup) February 1, 2022

اس فتح کے ساتھ انگلینڈ نے فائنل میں رسائی حاصل کرلی ہے۔

دوسرے سیمی فائنل میں آج بھارت اور آسٹریلیا کی ٹیمیں مد مقابل آئیں گی جن کے درمیان کانٹے کا مقابلہ متوقع ہے۔