راولپنڈی: پاکستان ٹیم آسٹریلیا کے خلاف ٹیسٹ سیریز کی پریکٹس کہ لیے پنڈی اسیٹیڈیم پہنچ گئی ہے۔

پاکستان اورآسٹریلیا کی کرکٹ ٹیموں کے درمیان ہونے والی ٹیسٹ سیریز کے لیے پاکستان ٹیم کا پہلا پریکٹس سیشن جاری ہے۔

پہلے پریکٹس سیشن میں کپتان بابر اعظم ، امام الحق  اور فواد عالم شریک ہیں جبکہ ساجد خان، نعمان علی، سعود شکیل اور سرفراز احمد بھی شامل ہیں۔

@iamfawadalam25 pic.twitter.com/RYZyNmkQpO

— Pakistan Cricket (@TheRealPCB) February 27, 2022

علاوہ ازیں اظہر علی اور نسیم شاہ شاہ کل پریکٹس سیشن کو جوائن کریں گے۔

واضح رہے کہ پاکستان سے 3 ٹیسٹ، 3 ون ڈے اور1 ٹوئنٹی میچز کھیلنے کے لیے آسٹریلیا کی ٹیم آج صبح پاکستان پہنچ گئی ہے۔

آسٹریلیا کی کرکٹ ٹیم 24 سال بعد سیریز کھیلنے کے لیے پاکستان پہنچی ہے جبکہ پاکستان اور آسٹریلیا کے درمیان سیریز کا پہلا ٹیسٹ میچ 4 مارچ سے راولپنڈی  اسٹیڈیم میں کھیلا جائے گا۔

پی سی بی کے مطابق یکم مارچ صبح ساڑھے 11 بجے قومی ٹیم کے کپتان بابراعظم اور آسٹریلوی کپتان ٹیسٹ سیریز کی ٹرافی کی رونمائی کریں گے۔

آسٹریلیا کی کرکٹ ٹیم 2 روز بائیوسیکیورببل میں رہے گی جس کے دو دن بعد آسٹریلین ٹیم کے کورونا ٹیسٹ کیے جائیں گے۔

خیال رہے کہ پاک آسٹریلیا ٹیسٹ سیریز کے لیے آن لائن ٹکٹ فروخت کے لیے پیش کردیے گئے ہیں، ٹیسٹ میچ کے لئے وی آئی پی کا ٹکٹ پانچ سو روپے جبکہ پریمئیم انکلوژر کا  ٹکٹ سو روپے کا رکھا گیا ہے۔