پی ایس ایل 7 میں آج دو مقابلے ہوں گے

ویب ڈیسک

13th Feb, 2022. 11:51 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ایس ایل 7 میں آج دو مقابلے ہوں گے

لاہور: پی ایس ایل 7 میں آج کراچی کا مقابلہ پشاور اور لاہور کا مقابلہ کوئٹہ سے ہوگا۔

پاکستان سپر لیگ (پی ایس ایل) سیزن کے دوسرے مرحلے کے میچز جاری ہیں جس کا انیسواں اور بیسواں میچ آج کھیلا جائے گا۔

آج کا پہلا مقابلہ کراچی کنگز اور پشاور زلمی کے درمیان کھیلا جائے گا جو کہ پاکستانی وقت کے مطابق دوپہر 2:30 بجے شروع ہوگا۔

یہ بھی پڑھیں: آئی پی ایل یا پی ایس ایل

کراچی کنگز ایونٹ میں اب تک 5 میچز کھیل چکی ہے جس میں انہیں کامیابی حاصل نہیں ہوسکی ہے پشاور زلمی 6 میچز میں سے صرف 2 میچ ہی جیت سکی ہے۔

کراچی کنگز کا پوائنٹس ٹیبل پر آخری جبکہ پشاور زلمی کا 4 پوائنٹس کے ساتھ پانچواں نمبر ہے۔

واضح رہے کہ دونوں ٹیمیں اس سے قبل پہلے مرحلے میں مدمقابل آچکی ہیں جس میں پشاور زلمی نے 9 رنز سے کامیابی حاصل کی تھی۔

یہ بھی پھیں: چیئرمین پی سی بی کا پی ایس ایل کے حوالے سے شائقین کرکٹ کے لئے پیغام

آج کا دوسرا میچ لاہور قلندرز اور کوئٹہ گلیڈی ایٹرز کی ٹیموں کے درمیان کھیلا جائے گا جو پاکستانی وقت کے مطابق شام 7:30 بجے شروع ہوگا۔

لاہور قلندرز ایونٹ میں اب تک 6 میچز کھیل کر 4 میچز میں فتح حاصل کرنے میں کامیاب رہی ہے جبکہ پوائنٹس ٹیبل پر لاہور کا دوسرا نمبر ہے۔

دوسری جانب کوئٹہ گلیڈی ایٹرز کا پوائنٹس ٹیبل پر چوتھا نمبر ہے جبکہ کوئٹہ ایونٹ میں اب تک 6 میچز کھیل چکی ہے جس میں انہیں 3 میں کامیابی اور 3 میں ناکامی کا سامنا کرنا پڑا ہے۔

یہ بھی پڑھیں: پی ایس ایل 7؛ لاہور قلندرز نے ملتان سلطانز کی فتوحات کو بریک لگادی

خیال رہے کہ دونوں ٹیموں کے درمیان پہلے مرحلے کے میچ میں کوئٹہ گلیڈی ایٹرز نے کامیابی اپنے نام کی تھی۔

ایونٹ کے پندرھویں میچ میں کوئٹہ گلیڈی ایٹرز نے 7 وکٹوں سے لاہور قلندرز کو شکست دی تھی۔