انڈین پریمئیر لیگ کے 15 ایڈیشن کے لئے میگا آکشن کا مرحلہ مکمل ہو چکا ہے، لیگ کی 10 فرنچائزز نے بہترین کھلاڑیوں کے حصول کے لئے کروڑوں کی بولی لگائی۔

آئی پی ایل کی میگا بولی میں فرنچائزز نے ایسے کھلاڑی بھی حاصل کئے جن کے لئے ان کو 10 کروڑ سے زائد کی بولی لگانی پڑی ، وہ کون سے کھلاڑی ہیں آیئے ہم بتاتے ہیں۔

ممبئی انڈینز نے ایشان شرما کو 15.25 کروڑ میں اپنی ٹیم کا حصہ بنایا، 14 کروڑ میں دیپک چہار کو چنئی سپر کنگز نے اپنی ٹیم کا حصہ بنایا۔

شری یاس ایر کو کولکتہ نائٹ رائڈرز نے 12.25 میں خریدا، ہرشے پٹیل 10.75 کروڑ میں رائل چیلنجرز بنگلور کا حصہ بنے۔

دہلی کیپیٹلز نے شردل ٹھاکر کو 10.75 کروڑ میں اپنے نام  کیا تو پراسدھ کرشنا 10 کروڑ میں راجھستان رائلز کی جھولی میں آن گرے۔

آئی پی ایل کی تاریخ میں کم بنیادی قیمت کے مالک اویش خان کی جب بولی لگی تو کسی کے وہم و گمان میں بھی نہیں تھا کہ یہ کھلاڑی 10 کروڑ کلب کا حصہ بن جائے گا۔

اویش خان کی بنیادی قیمت صرف 20 لاکھ روپے تھی مگر اسے حاصل کرنے کی جنگ میں یہ خوش قسمت کھلاڑی 10 کروڑ میں لکھنؤ سپر جائنٹس کے نام رہا۔

غیر ملکی کھلاڑیوں میں 10 کروڑ کلب کا حصہ بننے والوں میں لئیم لیونگ اسٹون بھی شامل ہیں جنہیں پنجاب کنگز نے 11.5 کروڑ میں حاصل کیا۔

نکولس پورن کو سن رائزرز حیدرآباد نے 10.75 کروڑ میں خریدا، جبکہ ونندو ہسارنگا کو رائل چیلنجرز بنگلور نے 10.75 کروڑ میں اپنی ٹیم کا حصہ بنایا۔

گجرات ٹائٹینز نے 10 کروڑ میں لوکی فرگوسن کو خرید جبکہ کاگیسو رباڈا کو 9.25 کروڑ میں پنجاب کنگز نے اپنے نام کیا۔