لاہور: دورہ پاکستان کے لئے کرکٹ آسٹریلیا نے ٹیسٹ اسکواڈ کا اعلان کردیا ہے۔

دورہ پاکستان کے لئے کرکٹ آسٹریلیا نے اٹھارہ رکنی ٹیسٹ اسکواڈ کا اعلان کیا ہے، پیٹ کمنز ٹیم کی قیادت کریں گے جبکہ اسٹیو اسمتھ نائب کپتان ہوں گے۔

Pakistan bound ✈🇵🇰

Would you make any changes❓

Advertisement

MORE > https://t.co/TSXCNgCs9T pic.twitter.com/Eg7zW2AiK6

— Fox Cricket (@FoxCricket) February 7, 2022

علاوہ ازیں آشٹن اگر، اسکاٹ بولینڈ ایلیکس کیری، کیمرون گرین ٹیم میں شامل ہیں جبکہ مارکوس ہیرس، جوش ہیزل ووڈ، ٹریوس ہیڈ اور جوش انگلس بھی ٹیم کا حصہ ہوں گے۔

عثمان خواجہ، مارنوس لبوشین، نیتھن لیوئن اور میچل مارش بھی ٹیم میں شامل ہیں جبکہ مائیکل نیصر، مچل اسٹارک، مچل سویپسن اور ڈیوڈ وارنر کو بھی ٹیم کا حصہ بنایا گیا ہے۔

واضح رہے کہ دورہ پاکستان کیلئے آسٹریلیا کی فل اسٹرینتھ ٹیسٹ ٹیم کا اعلان کیا گیا ہےجبکہ آسٹریلیا کے تمام ٹیسٹ پلیئرز نے پاکستان کے انتظامات پر مکمل اعتماد کا اظہار کیا ہے۔

کرکٹ آسٹریلیا کا کہنا ہے کہ کوئی بھی آسٹریلین ٹیسٹ پلیئر دورہ پاکستان سے دستبردار نہیں ہوا ہے۔

یاد رہے کہ آسٹریلیا کی ٹیم 24 برس بعد پاکستان کا دورہ کر رہی ہے جبکہ اس دورے میں 3 ٹیسٹ، 3 ون ڈے میچز پر مشتمل سیریز کھیلی جائے گی جبکہ 1 ٹی ٹوئنٹی میچ بھی دورے میں شیڈول ہے۔

خیال رہے کہ تین ٹیسٹ میچز کی سیریز کا پہلا ٹیسٹ میچ 4 مارچ سے راولپنڈی میں کھیلا جائے گا جبکہ دوسرا ٹیسٹ 12 تا 16 مارچ کراچی میں ہوگا۔

ٹیسٹ سیریز کا تیسرا اور آخری ٹیسٹ 21 مارچ تا 25 مارچ لاہور میں کھیلے جانا ہے۔

اسی طرح ون ڈے سیریز کا پہلا میچ 29 مارچ، دوسرا 31 مارچ اور تیسرا 2 اپریل کو کھیلا جائے جبکہ ون ڈے سیریز کے تمام میچز راولپنڈی میں کھیلے جائیں گے۔

آسٹریلیا کے دورہ پاکستان کے دوران ٹیسٹ و ونڈے سیریز کے بعد ایک ٹی ٹوئنٹی میچ بھی کھیلا جانا ہے جو 5 اپریل کو راولپنڈی میں ہی کھیلا جائے گا۔