کرکٹ آسٹریلیا نے دورہ پاکستان کے لیے ون ڈے اور ٹی ٹوئنٹی اسکواڈ کا اعلان کردیا ہے۔

آسٹریلیا نے پاکستان میں تین ون ڈے اور ایک ٹونٹی میچ کھیلنا ہے جس کے لیے کرکٹ آسٹریلیا نے وائٹ بال اسکواڈ کا اعلان کیا ہے۔

The 16 men who will be representing Australia in the white-ball leg of our upcoming tour of Pakistan ⬇️🇦🇺 pic.twitter.com/wUUTtPDov2

— Cricket Australia (@CricketAus) February 22, 2022

دورہ پاکستان کے لئے 16 رکنی وائٹ بال اسکواڈ کا اعلان کیا گیا ہے جبکہ ایرون فنچ آسٹریلیا وائٹ بال اسکواڈ کی قیادت کریں گے۔

اسکواڈ میں شین ایبٹ، آشٹن اگر، جیسن بحرنڈارف، الیکس کیری، نیتھن ایلس، کیمرون گرین، ٹریوس ہیڈ، جوش انگلس، مارنوس لابوشین شامل ہیں۔

علاوہ ازیں 16 رکنی اسکواڈ میں مچل مارش، بین میکڈرمٹ، کین رچرڈسن، اسٹیو اسمتھ، مارکس اسٹوئنس اور ایڈم زمپا کو بھی شامل کیا گیا ہے۔

ڈیوڈ وارنر، گلین میکسویل، مچل اسٹارک، پیٹ کمنز اور جوش ہیزل ووڈ کو وائٹ بال اسکواڈ میں شامل نہیں کیا گیا ہے۔

واضح رہے کہ پاکستان اور آسٹریلیا کے درمیان وائٹ بال سیریز راولپنڈی میں کھیلی جائے گا جس کا پہلا ون ڈے میچ 29 مارچ، دوسرا 31 مارچ اور تیسرا 2 اپریل کو کھیلا جائے گا۔

دورے میں شامل واحد ٹی ٹوئنٹی میچ 5 اپریل کو راولپنڈی میں ہی کھیلا جائے گا۔