پاکستان بمقابلہ آسٹریلیا ٹیسٹ سیریز شیڈول میں ردوبدل

ویب ڈیسک

04th Feb, 2022. 11:32 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان بمقابلہ آسٹریلیا ٹیسٹ سیریز شیڈول میں ردوبدل

لاہور: پاکستان اور آسٹریلیا کے درمیان کھیلے جانے والی ٹیسٹ سیریز میں ردوبدل سامنے آگیا ہے۔

ذرائع کے مطابق پاکستان اور آسٹریلیا کے درمیان کھیلے جانے والی ٹیسٹ سیریز کا آغاز اب کراچی کی بجائے راولپنڈی سے ہو گا۔

ذرائع کا کہنا ہے کہ اب سیریز کا دوسرا ٹیسٹ کراچی میں ہو گا جبکہ تیسرا ٹیسٹ لاہور میں کھیلا جائے گا۔

یہ بھی پڑھیں: آسٹریلیا کا دورہ پاکستان کے شیڈول میں تبدیلی کا امکان

شیڈول میں تبدیلی دونوں بورڈز کی باہمی مشاورت سے کی جا رہی ہے جبکہ سیریز میں تین ٹیسٹ، تین ون ڈے اور ایک ٹی ٹونٹی شامل ہے۔

وائٹ بال سیریز کے میچز لاہور میں شیڈولڈ ہیں جبکہ کراچی میں ہونے والا پہلا ٹیسٹ لے کر اب پنڈی کو دیا جارہا ہے۔

واضح رہے کہ ابتدائی شیڈول کے مطابق ٹیسٹ سیریز کا آغاز 3 مارچ سے کراچی میں ہونا تھا۔

یہ بھی پڑھیں: دورہ پاکستان سے متعلق کرکٹ آسٹریلیا کا اجلاس رواں ہفتے ہوگا

دوسری جانب دورہ پاکستان کے حوالے سے آسٹریلوی بورڈ کی میلبرن میں میٹنگ جاری ہے جبکہ میٹنگ میں پاکستان کا سفر کرنے پر مشاورت کی جارہی ہے۔

میٹنگ میں پاکستان فل اسٹرنتھ کے ساتھ جانے پر گفتگو کی جارہی ہے جبکہ اجلاس میں ہیڈ کوچ جسٹن لینگر کے مستقبل کا بھی فیصلہ ہوگا۔

یاد رہے کہ آسٹریلیا کی کرکٹ ٹیم 24 سال بعد پاکستان کا دورہ کرنے آرہی جبکہ دورے میں شامل ون ڈے سیریز کا آغاز 29 مارچ سے ہوگا۔

یہ ببھی پڑھیں: دورہ پاکستان کے لئے مارنس لبوشین کی بےقراری آسمان کو چھونے لگی

پہلا ون ڈے 29 مارچ، دوسرا 31 مارچ اور تیسرا 2 اپریل جبکہ واحد ٹی ٹوئنٹی میچ 5 اپریل کو لاہور کے قذافی اسٹیڈیم میں کھیلا جائے گا۔

اس دورے کو لے کر پاکستانی شائقین کے ساتھ ساتھ قومی کھلاڑی بھی آسٹریلیا کرکٹ ٹیم کی مہمان نوازی کے لیے پرجوش دکھائی دے رہے ہیں۔