کرکٹ ورلڈکپ سپر لیگ کے پوائنٹس ٹیبل پر بنگلا دیش کی حکمرانی برقرار ہے۔

تفصیلات کے مطابق افغانستان نے بنگلا دیش کو تیسرے ون ڈے میچ میں شکست دے کر  کرکٹ ورلڈکپ سپر لیگ کے پوائنٹس ٹیبل پر 70 پوائنٹس کے ساتھ چوتھی پوزیشن حاصل کرلی ہے۔

اس شکت کے بعد بھی بنگال  ٹائیگرز کی  100 پوائنٹس کے ساتھ پہلی پوزیشن  برقرار ہے۔

Afghanistan climb to No.4 spot in the #CWCSL standings, powered by @MRFWorldwide.

Advertisement

Full table ➡️ https://t.co/oLRJQx2rzV pic.twitter.com/Q8uJ8sAUNh

— ICC (@ICC) February 28, 2022

افغانستان نے تین ون ڈے میچزکی سیریز کے آخری میچ میں بنگلا دیش کو 7 وکٹوں سے شکست دی تاہم اسے سیریز میں 1-2 سے شکست کا سامنا کرنا پڑا۔

 انگلینڈ  کی ٹیم فی الحال 95 پوائنٹس کے ساتھ دوسرے نمبر پر ہے اور بھارت 79 پوائنٹس کے ساتھ تیسرے نمبر ہے۔

بنگلا دیش نے اب تک 15 میچز کھیل کر 10 میں فتح حاصل کی ہے جبکہ 5 میں اسے شکست کا سامنا کرنا پڑا ہے۔

100 پوائنٹس کے ساتھ اب بنگلادیش 2023 ورلڈ کپ کے لیے براہ راست کوالیفائی کرنے کی مضبوط پوزیشن میں آگیا ہے۔

واضح رہے کہ کرکٹ ورلڈکپ سپر لیگ پوائنٹس ٹیبل اس بات کا تعین کرے گا کہ کون سی ٹیمیں بھارت میں شیڈول 2023 کے مینز کرکٹ ورلڈکپ  کے لیے براہ راست کوالیفائی کریں گی۔

بطور میزبان براہ راست کوالیفائی کرنے والے بھارت  کے علاوہ  ٹاپ 7 ٹیمیں براہ راست ٹورنامنٹ کے لیے کوالیفائی کریں گی جبکہ باقی ٹیموں کو فائنل گروپ مرحلے میں جگہ بنانے کے لیے کوالیفائر ٹورنامنٹ کھیلنا پڑے گا۔