لاہور: پی ایس ایل 7 کے دوسرے پلے آف اور ایلیمنیٹر ون کے میچ میں آج پشاور زلمی اور اسلام آباد یونائیٹڈ کی ٹیمیں مدمقابل ہوں گی۔

لاہور کے قذافی اسٹیڈیم میں پاکستان سپر لیگ (پی ایس ایل) سیزن 7 کے پلے آف میچز کھیلے جارہے ہیں جس کا دوسرا پلے آف اور ایلیمنیٹر ون کا میچ آج پشاور زلمی اور اسلام آباد یونائیٹڈ کی ٹیموں کے درمیان کھیلا جائے گا۔

دوسرا پلے آف میچ آج پاکستانی وقت کے مطابق شام 7:30 بجے کھیلا جائے گا۔

دوسری جانب اسلام آباد یونائیٹڈ کے کپتان شاداب خان کو آج کے میچ کے لیے فٹ قرار دے دیا گیا ہے جس کے بعد آج وہ اپنی ٹیم کی قیادت کریں گے۔

🚨 A BIG MATCH 🚨

🏏 Eliminator 1
🆚 @PeshawarZalmi
🏟️ Gaddafi Stadium Lahore
⌚️ 7:00 PM

Your #Sherus are #ReadyToRoar. Remember your #RedHotSquad🦁 in your prayers 🙌#IUvPZ #HBLPSL7 #UnitedWeWin pic.twitter.com/ZAQYY8AfcN

Advertisement

— Islamabad United (@IsbUnited) February 23, 2022

یاد رہے کہ شاداب خان گروئن انجری کا شکار تھے جبکہ حسن علی کی بھی اسکین رپورٹس کلیئر آگئی ہیں لیکن ان کی شرکت کا فیصلہ میچ سے قبل فٹنس ٹیسٹ کی بنیاد پر کیا جائے گا۔

علاوہ ازیں اسلام آباد یونائیٹڈ کے کھلاڑی فہیم اشرف بھی فٹنس سے گزریں گے جبکہ کولن منرو بھی اب بیٹنگ کرتے ہوئے زیادہ تکلیف محسوس نہیں کر رہے ہیں تاہم انہیں میچ میں شامل کرنے کا فیصلہ بھی میچ سے قبل  ہی کیا جائے گا۔

واضح رہے کہ گذشتہ روز پی ایس ایل 7 میں پلے آف ون کا میچ کھیلا گیا تھا جس میں ملتان سلطانز اورلاہور قلندرز کی ٹیمیں مدمقابل تھیں۔

Really good show by @MultanSultans tonight. They are off to the finals 👋🏼 @lahoreqalandars still have a chance to book a finals spot. #HBLPSL7 l #LevelHai l #LQvMS pic.twitter.com/zJyH7UkyN6

— PakistanSuperLeague (@thePSLt20) February 23, 2022

پلے آف ون میں ملتان سلطانز نے 28 رنز سے لاہور قلندرز کو شکست دے کر فائنل تک رسائی حاصل کرلی ہے۔

🤙🏼🤙🏼#HBLPSL7 l #LevelHai l #LQvMS pic.twitter.com/WkYOtwhrMj

— PakistanSuperLeague (@thePSLt20) February 23, 2022

خیال رہے کہ آج کا میچ جیتنے والی ٹیم کا مقابلہ کل ایلیمنیٹر ٹو میں لاہور قلندرز سے ہوگا جبکہ کل کا میچ جیتنے والی ٹیم 27 فروری کو ملتان سلطانز کے خلاف ایونٹ کا فائنل کھیلے گی۔