اسلام آباد : رولپنڈی ٹیسٹ کے لیےقومی کھلاڑی اظہر علی، بابر اعظم، سرفراز احمد اور نسیم شاہ اسلام آباد پہنچ گئے ہیں۔

ذرائع کے مطابق آسٹریلیا اور پاکستان کے درمیان ہونے والے پہلے ٹیسٹ میچ کے لیے قومی کھلاڑی اسلام آباد پہنچنا شروع ہوگئے ہیں جبکہ پہلا ٹیسٹ میچ راولپنڈی اسٹیڈیم میں کھیلا جائے گا۔

ذرائع کے مطابق سابق اظہر علی، بابر اعظم، سرفراز احمد اور نسیم شاہ لاہور سے اسلام آباد پہنچے ہیں جبکہ بابر اعظم، سرفراز احمد اور نسیم شاہ پی ایس ایل میں نمائندگی کے بعد اسلام آباد پہنچے ہیں۔

پی سی بی کے مطابق سرفراز احمد اور نسیم شاہ کو ریزرو پلیئرز میں شامل کیا گیا ہے لیکن دومنوں کھلاڑی ٹیسٹ اسکواڈ کے ہمراہ رہیں گے۔

پی سی بی کا کہنا ہے کہ ساجد خان، نعمان علی، سعود شکیل، امام الحق اور فواد عالم دو روز قبل اسلام آباد پہنچ چکے ہیں جبکہ ہیڈ کوچ ثقلین مشتاق اور محمد یوسف بھی دو روز قبل اسلام آباد پہنچے ہیں۔

ذرائع کا کہنا ہے کہ نسیم شاہ، بابر اعظم، اظہر علی اور سرفراز احمد بھی تین روزہ آئسولیشن مکمل کرنےکے بعد 27 فروری کو پریکٹس سیشن میں حصہ لیں گے۔

واضح رہے کہ 24 برس بعد پاکستان کا دورہ کرنے والی کرکٹ ٹیم آسٹریلیا اورمہمان ٹیم پاکستان کے درمیان پہلا ٹیسٹ میچ راولپنڈی میں 4 مارچ کو کھیلا جائے گا جو 8 مارچ تک جاری رہے گا۔

علاوہ ازیں ٹیسٹ سیریز میں شامل دوسرا میچ 12 سے 16 مارچ کے دوران کراچی میں کھیلا جائے گا جبکہ تیسرا اورآخری میچ 21 سے 25 مارچ کے دوران لاہور کے قذافی اسٹیڈیم میں کھیلا جانا ہے۔