شاہین شاہ کی دوسرے ون ڈے میں شرکت مشکوک

ویب ڈیسک

31st Mar, 2022. 01:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شاہین شاہ کی دوسرے ون ڈے میں شرکت مشکوک

لاہور: پاکستان اور آسٹریلیا کے درمیان ہونے والے دوسرے ون ڈے میں شاہین شاہ کی شرکت مشکوک نظر آرہی ہے۔

لاہور کے قذافی اسٹیڈٰیم میں پاکستان اور آسٹریلیا کی کرکٹ ٹیموں کے درمیان ون ڈے سیریز جاری ہے جس کا دوسرا ون ڈے آج کھیلا جائے گا۔

یہ بھی پڑھیں: کیا پاکستان ون ڈے سیریز بچا پائے گا؟ فیصلہ آج ہوگا

دونوں ٹیموں کے درمیان آج ہونے والا میچ دوپہر 3 بجے شروع ہوگا جبکہ آج کے میچ میں قومی ٹیم کے اہم بولر شاہین شاہ آفریدی کی شرکت مشکوک نظر آرہی ہے۔

شاہین شاہ گھٹنے کی تکلیف میں مبتلا ہوگئے ہیں جبکہ ٹیم ذرائع کو کہنا ہے کہ شاہین شاہ کو کھلانے کا فیصلہ گراؤنڈ میں پہنچ کر کیا جائے گا۔

شاہین شاہ بیٹنگ پریکٹس کے دوران گھٹنے پر بال لگنے کی وجہ سے زخمی ہوگئے تھے جبکہ اب ان کے گھٹنے کی تکلیف میں کمی بتائی جارہی ہے۔

یہ بھی پڑھیں: پاک آسٹریلیا دوسرے ون ڈے کیلئے ٹریفک انتظامات مکمل

واضح رہے کہ پاکستان اورآسٹریلیا کے درمیان 3 میچز پر مشتمل ون ڈے سیریز جاری ہے جبکہ آسٹریلیا کو سیریز میں 0-1 کی برتری حاصل ہے۔

پاکستان ٹیم کو سیریز میں شکست سے بچنے کے لیے آج ہر صورت میں کامیابی حاصل کرنا ہوگی اور اگر آج کا میچ بھی آسٹریلیا جیتنے میں کامیاب رہتی ہے تو سیریز اپنے نام کرلے گی۔