پاکستان سمیت دنیا بھر میں آج خواتین کا عالمی دن منایا جارہا ہے جبکہ اس موقع پر شاہد خان آفریدی نے اپنی فیملی فوٹو شیئر کی ہے۔

سماجی رابطے کی مائیکرو بلاگنگ ویب سائٹ ٹوئٹر پر سابق کپتان شاہد خان آفریدی نے یوم خواتین کی مناسبت سے اپنی فیملی فوٹو شیئر کی ہے۔

You are the nourishing power of the Universe, You make it come alive, more colorful & inspirational. Being a father of 5 wonderful girls, I can proudly say women have the strength to move the world; lets celebrate them everyday & support them to #BreakTheBias. Happy #WomensDay! pic.twitter.com/Y2SxC8o1kV

— Shahid Afridi (@SAfridiOfficial) March 8, 2022

تصویر میں شاہد آفریدی کے ہمراہ ان کی اہلیہ اور پانچوں بیٹیاں موجود ہیں جبکہ سب سے چھوٹی بیٹی کو انہوں نے گود میں اٹھا رکھا ہے۔

تصویر کو شیئر کرتے ہوئے شاہد آفریدی کا کہنا تھا کہ خواتین کائنات کی پرورش کرنے والی طاقت ہے جو اسے زندہ، زیادہ رنگین اور متاثر کن بناتی ہیں۔

انہوں نے کہا کہ پانچ بیٹیوں کا باپ ہونے کی وجہ سے میں فخر سے کہہ سکتا ہوں کہ خواتین میں دنیا کو بدلنے کی طاقت ہوتی ہے۔

شاہد آفریدی کا مزید کہنا تھا کہ ’آئیے ہم اس دن کو روزانہ مناتے ہیں اور ان کا ساتھ دیتے ہیں، یوم خواتین مبارک۔

واضح رہے کہ قومی ٹیم کے سابق کپتان کی 5 بیٹیاں ہیں جنہیں وہ خود سے بھی زیادہ پیار کرتے ہیں جس کا ثبوت ہمیں ہر میچ میں دکھنے کو ملتا ہے جس میں شاہد آفریدی موجود ہوں۔

شاہد آفریدی کی بیٹیاں ان کا حوصلہ بڑھانے کے لیے ہر میچ دیکھنے اسٹیڈیم میں موجود ہوتی ہیں جبکہ ان کی بیٹیوں کے نام اقصی، اجوہ، انشا اور اسمارہ ہے اور سب سے چھوٹی بیٹی عروہ ہیں۔