پاکستانی نژاد آسٹریلوی بیٹر عثمان خواجہ پر ان دنوں قسمت کی دیوی مہربان نظر آتی ہے۔

پاکستان اور آسٹریلیا کی کرکٹ ٹیموں کے درمیان تین ٹیسٹ میچز پر مشتمل سیریز جاری ہے جس کا تیسرا ٹیسٹ لاہور کے قذافی اسٹیڈیم میں کھیلا جارہا ہے۔

لاہور ٹیسٹ کے چوتھے روز آسٹریلیا کی دوسری اننگ کی بیٹنگ جاری ہے اور انہوں نے 33 اوورز کے اختتام تک 1 وکٹ کے نقصان پر 108 رنز اسکور کرلیے ہیں۔

آسٹریلیا کی دوسری وکٹ بھی گرچکی ہوتی لیکن عثمان خواجہ کی قسمت جاگ اٹھی تو وہیں دوسری طرف پاکستانی بولر نسیم شاہ بدقسمت رہے۔

Advertisement

Unlucky Naseem Shah 😢#PAKvAUS #naseemshah @Uz_Khawaja pic.twitter.com/XJGzowPyvy

— Muhammad Noman (@nomanedits) March 24, 2022

ہوا کچھ ہوں کہ نسیم شاہ میچ کا تیرہواں اوورکرا رہے تھے کہ انہوں نے ایک ریورس سوئنگ کرکے عثمان خواجہ کو کلین بولڈ کردیا۔

کلین بولڈ ہونے کے باوجود بھی عثمان کی قسمت نے ان کا ساتھ دیا اور امپائر نے گیند کو اوور اسٹیپ کی وجہ سے نوبال قرار دیا جس کی وجہ سے وہ آؤٹ ہوتےہوتے بچ گئے۔

واضح رہے کہ اس میچ میں آسٹریلیا نے ٹاس جیت کر پہلے بیٹنگ کا فیصلہ کرتے ہوئے اپنی پہلی اننگ میں 391 رنز اسکور کیے تھے۔

آسٹریلیا کی جانب سے پہلی اننگ میں سب سے زیادہ 91 رنز عثمان خواجہ نے اسکورکیے تھے جبکہ دوسری اننگ میں بھی وہ اب تک نصف سنچری اسکور کرچکے ہیں۔