بنگلا دیش نے دو ٹی ٹوئنٹی  میچز کی سیریز کے پہلے میچ  میں افغانستان کو 61  رنز سے شکست دے دی۔

میر پور کے شیر بنگلہ نیشنل کرکٹ اسٹیڈیم میں میزبان بنگلادیش نے ٹاس جیت کر پہلے بیٹنگ کرتے ہوئے 8 وکٹوں کے نقصان پر 155 رنز بنائے۔

لٹن داس 60 اور عفیف حسین 25 رنز بناکر نمایاں رہے جبکہ منیم شہریار17، کپتان محمود اللہ 10 رنز بناسکے۔ ان کے علاوہ کوئی بھی کھلاڑی ڈبل فیگرز میں داخل نہ ہوسکا۔

یاسر علی 8، مہدی حسن اور شکیب الحسن 5،5 اور محمد نعیم 2 رنز بناکر آؤٹ ہوئے۔شورفل السلام 4 اور نسوم احمد 3 رنز بناکر ناٹ آؤٹ رہے۔

Advertisement

Bangladesh win 🙌

They beat Afghanistan by 61 runs in the first T20I to take a 1-0 series lead 💪 #BANvAFG pic.twitter.com/Ll8dBM25d1

— ICC (@ICC) March 3, 2022

افغانستان کی جانب سے فضل حق فاروقی اور عظمت اللہ عمرزئی نے 2،2 جبکہ راشد خان اور قیس احمد نے ایک ایک وکٹ حاصل کی۔

جواب میں افغان ٹیم 18ویں اوور میں صرف 94  رنز پر ڈھیر ہوگئی۔نجیب اللہ زادران(27)، عظمت اللہ عمرزئی(20) اور کپتان محمد نبی(16)  کے علاوہ کوئی کھلاڑی ڈبل فیگرز میں داخل نہ ہوسکا۔

قیس احمد 8، حضرت اللہ زازئی اور کریم جنت 6،6 ،مجیب الرحمان 4، درویش رسولی2، راشد خان ایک اور رحمان اللہ گرباز بغیر کوئی رن بنائے آؤٹ ہوئے۔

بنگلا دیش کی جانب سے نسوم احمد نے 4، شورف السلام نے 3، شکیب الحسن نے 2 اور مستفیض الرحمان نے ایک وکٹ حاصل کی۔

نسوم احمد کو شاندار بالنگ کرنے پر میچ کا بہترین کھلاڑی قرار دیا گیا۔