لیجنڈری آسٹریلوی لیگ اسپنر شین وارن انتقال کرگئے

ویب ڈیسک

04th Mar, 2022. 07:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لیجنڈری آسٹریلوی لیگ اسپنر شین وارن انتقال کرگئے

آسٹریلیا کے لیجنڈری لیگ اسپنر شین وارن 52 برس کی عمر میں انتقال کرگئے۔

آسٹریلوی میڈیا کی رپورٹ کے مطابق شین وارن کی انتظامیہ نے ایک مختصر بیان میں بتایا کہ وہ تھائی لینڈ کے کوہ ساموئی میں دل کا دورہ پڑنے سے انتقال کر گئے ہیں۔

بیان میں کہا گیا کہ شین وارن اپنے ولا میں بے جان پائے گئےاور طبی عملے کی بہترین کوششوں کے باوجود وہ جانبر نہ ہوسکے۔

وارن انتظامیہ نے مزید کہا کہ ان کے خاندان نے اس وقت رازداری کی درخواست کی ہے اور مناسب وقت پر مزید تفصیلات فراہم کریں گے۔

واضح رہے کہ شین وارن نے آسٹریلیا کی جانب سے 145 ٹیسٹ میچز میں 708 وکٹیں حاصل کیں ۔وہ 700 سے زائد ٹیسٹ وکٹیں حاصل کرنے والے دنیا کے دوسرے بالر تھے۔

انہوں نے 194 ون ڈے میچز میں 293 وکٹیں حاصل کر رکھی تھیں۔

شین وارن نے اپنی آخری ٹوئیٹ میں گزشتہ روز ایک اور آسٹریلوی کرکٹر روڈنی مارش کے انتقال پر تعزیت کا اظہار کیا تھا۔

Sad to hear the news that Rod Marsh has passed. He was a legend of our great game & an inspiration to so many young boys & girls. Rod cared deeply about cricket & gave so much-especially to Australia & England players. Sending lots & lots of love to Ros & the family. RIP mate❤️
— Shane Warne (@ShaneWarne) March 4, 2022